اسلامک گیمز، پاکستان و ترکی نا والی بال ٹیم تا نیام اٹ میچ (اینو) دوشنبے نا دے گوازی کننگک

باکو۔ 14مئی (اے پی پی) چوتھے اسلامک سولیڈیریٹی گیمز مینز والی بال ایونٹ اٹی پاکستانی ٹیم تینا ارٹ میکو میچ اٹی (اینو) دوشنبے نا دے ترکی نا مون پہ مون مریک۔ پاکستان ئِ بنائی میچ اٹی آذربائیجان نا دوتے اٹ باتننگ نا مون تروئی تماسس۔ آذربائیجان اٹی جاری میگاگیمز اٹی مینز والی بال ایونٹ اٹی پاکستانی ٹیم تینا ارٹ میکو میچ اٹی اینو ترکی نا مون پہ مون مریک۔ دا میچ قومی ٹیم اکن بے کچ اہمیت تخک۔ فتح نا دروشم اٹ دانا مون آ مرحلہ اسکان رسینگ نا گمان پین سلک وخت اس کہ شکست اودے ٹائٹل نا دوڑآن پیشن کشنگ کیک۔ پاکستان ایونٹ اٹی تینا مسٹ میکو میچ 17مئی آ فلسطین وخت اس کہ چارمیکو و آخریکو میچ 19مئی آ ترکمانستان نا برخلاف گوازی کیک۔