نیویارک۔20ستمبر (اے پی پی): مزن وزیر محمد شہباز شریف ءَ ایران ءِ صدر ایرباہیم رئیسی ءُ سپین ءِ صدر پیڈ روسان شیز ءَ گوں جتا جتائیں گند ءُ نند کت۔ اے گند ءُ نند آنی ساھت ءَ وت مہ وتی واھگی کار ءُ دمگی ءُ میاں اوستمانی کار آنی ھوالگ ءَ ھیال ریچی کنگ بوت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی …
مزن وزیر محمد شہباز شریف ءِ ایران ءِ صدر ابراہیم رئیسی ءُ سپین ءِ صدر پیڈ روسان شیز ءَ گوں جتا جتائیں گند ءُ نند ، وت مہ وتی واھگی کار ءُ دمگی ءُ میاں اوستمانی کار آنی سر ءَ ھیال ریچی
گیشتریں ھال
نیویارک۔20ستمبر (اے پی پی): مزن وزیر محمد شہباز شریف ءَ ایران ءِ صدر ایرباہیم رئیسی ءُ سپین ءِ صدر پیڈ روسان شیز ءَ گوں جتا جتائیں گند ءُ نند کت۔ اے گند ءُ نند آنی ساھت ءَ وت مہ وتی واھگی کار ءُ دمگی ءُ میاں اوستمانی کار آنی ھوالگ ءَ ھیال ریچی کنگ بوت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ ایران ءِ صدر ابراہیم رئیسی ءَ گوں گند ءُ نند کت۔ گند ءُ نند ءِ ساھت ءَ دوئٰں ملک آنی نیام ءَ دو نیمگی یکوئی ءُ وت مہ وتی واھگی کار آنی ھوالگ ءَ ھیال ریچی کنگ بوت۔ ایشی ءَ ابید مزن وزیر محمد شہباز شریف ءَ سپین ءِ صددر پیڈ روسان شیز ءَ گوں گند ءُ نند کت۔ دوئیں سروک آں گند ءُ نند ءِ ساھت ءَ وت مہ وتی واھگی کار آنی ھوالگ ءَ ھیال ریچی کت۔ اے گند ءُ نند یونائیٹڈ نیشن ءِ ھپتاد ءُ ھپتمی 77 دیوان ءِ موہ ءَ کنگ بوت۔ اے موہ ءَ وزیر ءِ درئی کار بلاول بھٹو زرداری ، بنجاھی وزیر ھزانگ مفتاح اسماعیل ، بنجاھی وزیر برائے اھوالکاری ءپ شنگ کاری مریم اورنگزیب ، وزیر ءِ مملکت برائے درئی کار حنا ربانی کھر ءُ مزن وزیر ءِ ھاسیں کمکار طارق فاطمی ھم ساڑی ات۔
