اسلام آباد۔ 21 ستمبر (اے پی پی) بنجائی وزیر ڈٹ بندی و شونداری ، اصلاحات و خصوصی گام گیج احسن اقبال پارینے کہ پاکستان داوخت آ تنکی کیفیت آن گدرینگ انگ ءِ، تدوک آچار سال اٹی ننا شونداری بجٹ نا کچ کم مسنے، مانیٹرنگ اینڈ ایویلیو ایشن اسہ بھلو خواست اسے۔ داخیال آتا درشانی ءِ او چارشنبےنادے آ داڑے مانیٹرنگ اینڈ ایویلیو ایشن بوٹ کیمپ انا دود آن تران کرسا کرے۔ بنجائی وزیر پارے کہ پاکستان داوخت آ تنکی کیفیت آن گدرینگ انگ ءِ،تدوک آچار سال اٹی ننا شونداری بجٹ نا کچ کم مسنے۔ اوپراے کہ شونداری بجٹ ءِ ودفسا اِرا ہنداخہ کروئی ئسک۔ 2013 ٹی شونداری بجٹ 340 ارب ئسک ہرادے پنچ سال آن پد 1 ہزار ارب آ اِلاسن۔ اوکان پد شونداری بجٹ ودنگ نا جاگہ غا کم مس۔ اوپارے کہ مانیٹرنگ اینڈ ایولیو ایشن اسہ بھلو خواست اسے۔ مانیٹرنگ آن شفافیت تون کاریم نا کچ اٹی ہم گچینی آن ہم بریک۔ مانیٹرنگ آن ہدف آتا پوروی ءِ ہُننگ مریک۔ بنجائی وزیر پارے کہ آرگنائزیشن اسے ٹی اونا انوسمنٹ ءِ کاریم اٹ اتنگ کن مانیٹرنگ نا بشخ بھاز اہمیت تخک۔ نم مانیٹر نگ نا کمک اٹ داہیت ءِ پک کبو کہ ہر اسہ پیسہ ہمو ہدف آتے کن لگے ہراڑکن دا پیسہ غاتے تننگانے۔ ہر ڈٹ اکن کے پی آئی نابایدے تعین مرے۔
