بنجائی وزیر پٹرولیم علی پرویز ملک نا ملک انا پنچ بھلا آئل ریفائنری تا انتظامیہ تون جتا جتا اوڑدہی

اسلام آباد۔28 اگست (اے پی پی)بنجائی وزیر پٹرولیم علی پرویز ملک ملک نا پنچ بھلاآئل ریفائنری، پاک عرب ریفائنری لمیٹڈ، پاکستان ریفائنری لمیٹڈ (پی آر ایل)، نیشنل ریفائنری لمیٹڈ (این آر ایل)، سائنرجیکو و اٹک ریفائنری لمیٹڈ (اے آر ایل) نا انتظامیہ تون جتا جتا اوڑدہیکرے، ہراٹی براؤن فیلڈ ریفائنری اپ گریڈیشن پالیسی آ عملدرآمد، ریفائنری تا مالی و آپریشنلکارکڑدو ملکی توانائی نا رکھ ءِ پین سوگو کننگ نا گام گیج آتا جاچ ءِ ہلنگا۔ غٹ پنچ ریفائنری تا انتظامیہ ریفائنری اپ گریڈیشن پالیسی نا رداٹ معاہدہ غاتیا دستخط کننگ کن تینا رضا مندی نا درشانی ءِ کریر۔ معاہدہ غاتیا بروک آ تُو انا بناٹی دستخط مننگ نا اومیت ءِ، ہراڑآن ملک انا ریفائننگ سیکٹر اٹ کم و ود 6 ارب ڈالر نا زرکاری نا اومیت ءِ۔ دا وخت آ بنجائی وزیر پارے کہ ریفائنری تا جدید کاری ملکی ریفائننگ سیکٹر نا دیرپا پائیداریکن المی ءِ۔ سلاہ کروک اپ گریڈیشن آن پد ریفائنریک پاکستان اٹ یورو فائیوآب انا پٹرولیم مصنوعات تیار کننگ نا قابل مریرہ ہراڑآن پٹرول و ڈیزل نا درآمد آ سیبوءِ کم کننگ اٹ کمک رسینگک و درآمدی مصنوعات نا مقابلہ ٹی نہاد آتیٹی ہم کمتی نا گمان ءِ۔ علی پرویزملک معاہدہ غاتیا وخت آ دستخط ءِ اپ گریڈیشن پروگرام ءِ مون آ دننگ کن بھاز اہم گوندسا پارے کہ حکومت پالیسی آ عملدرآمد نا بابت ویل آتے ایسر کننگ اٹ ریفائنریتے ہرممکن کمک فراوان کرسا کیک۔ پاک عرب ریفائنری لمیٹڈ انتظامیہ تون اوڑدہی نا وخت آ بنجائی وزیر ءِ ادارہ نا مالی و آپریشنلکارکڑدو ملکی توانائی نا رکھ اکن گیشترڈٹ آتیاحوال تننگا۔ بنجائی وزیر آبنائے ہرمز نا تنکی ٹی پارکو نا کنڈآن گچین وڑ اٹ آپریشن آتے برجاتخنگ نا ستاءِ کرے۔ او پارے کہ پاکستان تنکی نا وخت آ پٹرولیم سپلائی نا نظام ءِگچین وڑ اٹ برقرار تخا و ملک اٹ پٹرولیم مصنوعات نا فراوانی زہمی متو۔ او دا ہیت آزور شاغا کہ پٹرولیم سپلائی نا تسلسل ءِ برقرار تخنگ و سوگو و لچکدار سپلائی چینز نا جوڑ کننگ ملکی توانائی نا رکھ نا اہم جزو آک ءُ ۔ بنجائی وزیر ءِ حب اٹ سلاہ ئی آئل سٹی نا بابت پیش رفت آن ہم معلومدار کننگا۔