اسلام آباد۔ 21 ستمبر (اے پی پی) پاک فضائیہ نا کنڈآن خیبرپختونخوا ، سندھ، بلوچستان و سویلی پنجاب نا نوکاپ آن زہمی علاقہ غاتیٹی ریسکیو، ریلیف و بحالی نا کارروائیک برجاءُ، فضائیہ نا کارندہ غاک نوکاپ زدگان تا آسودہی، خور، ہنکین، کنوئی ءُ دیر، طبی امداد و بنداوی گرج آتا وخت آ فراوانی کن دے ونن کوشست کننگ اٹی ءُ۔ ترجمان نا رداٹ پاک فضائیہ نا میڈیکل لیب کلیکشن پوائنٹس دمدستی وڑاٹ نوکاپ زہمی تیٹی دیر آن ودی مروک آ ناجوڑی تا شناخت و تشخیص ءِ کننگ ءِ اوکان پد اوفتے مفت طبی امداد فراوان کننگ انگ ءِ۔ تدوک آ 24 گھنٹہ ٹی پاک فضائیہ 18،458 تیار کن و خور نا پیکٹ، 1512 دیر انا بوتل و 2070 راشن پیکٹ ضرورت مند خاہوت آتیٹی بشخا۔ داکان بیدس ، مفت خور و جاگہ نا فراوانی آن بیدس، فیلڈ ہسپتال آتیٹی تعینات پاک فضائیہ نا میڈیکل ٹیمک 1699 ناجوڑ آتا مفت درمان ءِ ہم کریر۔ پاک فضائیہ نا ایمرجنسی ریسپانس ٹیمک سخت خواری اٹ نوکاپ زہمی علاقہ بشمول راجن پور، مٹیاری، مچی، بولانی، لاشاری، ناروا، مچکا، گھارو، جاتی، کوڈاریو، حاجی پور، چوہڑ جمالی، میرپور خاص، سنداد، بلو، جھل مگسی، بستی شیر محمد، لاکھڑا، مٹیاری، سعید آباد شہدادکوٹ، صحبت پور، بستی جاگیر گبول، فاضل پور واللہ ورائیو جمالی، نصیر آباد، جھل مگسی، جیکب آباد، کھیروی ، سندھڑی، سانگھڑ، گوٹھ اسماعیل، کمہار، سرگل، پھلواری، دادو، شاہراہ۔ میاں پوٹا، پشین، قلعہ عبداللہ، قلعہ سیف اللہ، تھل، سہون، نواب شاہ، سکرنڈ، اسابھٹی، سکھر، پیر پٹھو، اٹھال، حیدرآباد، میرپور خاص، تلہار، نواکلی، گلستان کلی صالح اور کلی حبیب زئی ٹی دے و نن کاریم کننگ اٹی ءِ ۔
