اسلام آباد۔ 21 ستمبر (اے پی پی) حکومت پیٹرولیم مصنوعات آتا نہاد آتیٹی ردوبدل نا نوٹیفکیشن ءِ جاری کرینے، پیٹرول نا نہاد اٹی ودکی وخت اس کہ گازلیٹ و لائٹ ڈیزل نا نہاد آتیٹی کمتی کننگانے۔ وزارت خزانہ نا کنڈآن جاری نوٹیفکیشن نا رداٹ پیٹرول نا نہاد اٹی 1.45 روپئی نا ودکی کننگانے اوکان پد فی لیٹر پیٹرول نا نہاد 235.98 روپئی مس۔ ہائی اسپیڈڈیزل نا نہاد اٹی ہچ ءُ ردوبدل اس کننگتنے و اونا متکن آ نہاد 247.43 روپئی برقرار تخنگانے۔ گازلیٹ نا نہاد اٹی 8.30 روپئی کمتی کننگانے اوکان پد گالزیٹ نا فی لیٹر نہاد 210.32 روپئی آن کم مرسا 202.02 روپئی فی لیٹر مریک۔ لائٹ ڈیزل نا نہاد اٹی 4.26 روپئی فی لیٹر کمتی کننگانے و داسہ دانا نہاد 201.54 روپئی آن کم مرسا 197.28 روپئی فی لیٹر مریک۔
