اقوام متحدہ۔19ستمبر (اے پی پی):اسلامی کمکی گل (او آئی سی) ءِ یورپ ءَ مسلمان آنی گوما رابطہ گروپ ءِ دیوان یونائیٹڈ نیشن ءِ جنرل اسمبلی ءِ 77 ھپتاد ءُ ھپتمی دیوان ءِ موہ ءَ او آئی سی ءِ سیکرٹری جنرل ءِ سروکی ءَ بوت۔ اے دیوان ترکیہ ءِ درخواست ءِ سر ءَ بوت۔ پاکستان ءِ نماھندگی وزیر ءِ درئی کار بلاول بھٹو زرداری ءَ کت۔ او آئی سی ءِ سیکرٹری جنرل حسین ابراہیم طحہٰ ءَ وتی بیان ءَ بازیں یورپی ملک آنی تہءَ مسلمان آنی جوزگ آنی ھلاپ ءَ گیشی ءِ ھوالگ ءَ او آئی سی ءَ نہ وشی ءِ درشان کتگ ءُ دو د ءُ ربیدگی آنی وت مہ وتی نزیکی ءُ شرپ ءُ ازت ءَ را دیمروئی دیگ ءِ واستہ جوڑیشتی رابطہ ءُ گپ ءُ تران آناں ودینگ ءِ واستہ گیشاں چہ گیش کوشست آنی ھوالگءَ زور پر دات۔ دیوان ءَ 22 مارچ 2022 ءَ اسلام آباد ءَ بوھوکیں رابطہ گروپ ءِ گڈی دیوان ءَ چہ پد یورپ ءَ مسلمان آنی ھواریں جاور ھال آنی سر ءَ چار ءُ تپاسی گرگ بوت ءُ مسلم کیونٹیز آنی واستہ او آئی سی ءِ کمک ءِ درشان کنگ بوتگ۔
