اقوام متحدہ۔19ستمبر (اے پی پی):وزیر ءِ درئی کار بلاول بھٹو زرداری ءَ نیویارک ءَ یونائیٹڈ ل نیشن ءِ جنرل اسمبلی ءِ 77 ھپتاد ءُ ھپتمی دیوان ءِ موہ ءَ سٹیٹ کونسلر ءُ چین ءِ وزیر ءِ درئی کار وانگ یی ءَ گوں گند ءُ نند کت۔ گند ءُ نند ءِ ساھت ءَ یونائیٹڈ نیشن ءَ ھوار وت مہ وتی شریکداری ءُ دو نیمگی کمک ءُ دارج بریں جاور ءُ دیمروئیءِ ھوالگ ءَ ھیال ریچی کنگ بوت۔ دو شمبے ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ وزیر ءِ درئی کار ءَ سیلاپ ءِ رد ءَ پاکستان ءِ گیشاں چہ گیش کمک ءُ ھمبراہ داری ءِ پد ءَ چین ءِ سروک، حکوتم ءُ الس آنی شگر ءُ منت واری گپت ایش کہ پاکستان ءُ چین ءِ نیام آزمودگیں ءُ جوانیں، سٹریٹیجک کمک آنی پد ءَ شریکداری ءِ گواچنی درشان ات، 15 ستمبر ءَ سمر قند ءَ مزن وزیر محمد شہباز شریف ءُ صدر رشی جن پنگ ءِ نیام ءَ سروک دیوان ءِ موہءَ گند ءُ نند ءِ ھوالگ ءَ دیان ءَ دوئیں وزیر ءِ درئی کار ءَ سٹریٹیجک کمک آناں گیش دیمروئی دیگ، وت مہ وتی سیت ءُ ترس ءُ بیم آنی ساھت ءَ یک ءِ دومیگ ءِ گوما گیشاں چہ گیش کمک، معاشی کمک ءَ گیشی، سی پیک ءَ ترندی دیمروئی کنگ ءُ دو نیمگی سیکورٹی کمک آناں مھکم کنگ ءَ گیشاں چہ گیش جزم درشان کتگ۔ اے وزیر ءِ درئی کار بلاول بھٹو زرداری ءِ اپریل 2022 ءَ وتی اگدہ ءِ سیٹ ءَ نندگ ءَ چہ پد وتی چینی ھمکار ءِ گوما چارمی گند ءُ نند بوتگ۔
