مچ آ ملک اٹی 24 گھنٹہ ٹی کورونا دین انا 42 کیس رپورٹ، 37 نا حالیت نازرک

اسلام آباد۔ 20 ستمبر (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 42 کیس رپورٹ مسنے۔ قومی ادارہ جان جوڑی نا کنڈآن سے شنبے نادے آ جاری ٹویٹ نا رداٹ مچ آملک اٹی تدوک آ 24 گھنٹہ ٹی 8 ہزار 30 کورونا ٹیسٹ کننگا، ہرافتیان 42 بندغ آتا کورونا ٹیسٹ مثبت بسنے، ہرانا کیس آتا مثبت کچ 0.52 درسد ئسک، داوخت آ کورونا دین آن اسہ ناجوڑ اس ہم زوال کتنے وخت اس کہ 37 بندغ آتا حالیت نازرک ءِ۔