جعلی دوائی تا توننگ کن عملی گام گیج کننگ انگ ءِ، سنکورافارمانا برخلاف بھلو کارروائی اس کننگانے، کمامدار وزارت جان جوڑی

اسلام آباد۔ 20 ستمبر (اے پی پی) بنجائی وزیر قومی جان جوڑی عبدالقادر پٹیل نا پارت آ جعلی دوائی تا تننگ کن عملی گام گیج کننگ انگ ءِ و مچ آ ملک اٹی ڈسٹری بیوٹرز، فارمیسی و میڈیکل سٹور تیا چھاپہ خلنگ انگ ءِ۔ سے شنبےنادے آ وزارت جان جوڑی نا کمامدارآک پاریر کہ بنجائی وزیر جان جوڑی نا پارت آ جعلی دوائی تا توننگ کن عملی گام گیج کننگ انگ ءِ مچ آ ملک اٹی ڈسٹری بیوٹر فارمیسی و میڈیکل اسٹور تیا چھاپہ خلنگ انگ ءِ۔ اوفک پاریر کہ کراچی پورٹ قاسم آ سنکورافارمانا برخلاف بھلو کارروائی اس کننگانے و ڈریپ نا ٹیم انا ہیلتھ اینڈ او ٹی سی رولز انا رداٹ لسٹڈ فرم سنکورافارما نا انسپکشن کننگ ءِ، سنکورافارما جان جوڑی و سفائی نا درکار آسراتی، نامناسب کوالٹی کنٹرول، مائیکرو بیالوجی لیبارٹری و تکنیکی بندغ آتیان بیدس کاریم کریکہ وفرم دانا آڑ اٹی جعلی، غیر رجسٹرڈ، غیر اندراج مروک منصوعات آتا تیاری ٹی اوار ہم خننگا۔ اومستی پارے کہ شکبر سٹاک ءِ بنائی وڑاٹ 28 دے اکن مقررہ فارم۔1آ زیان کپننگ نا پرمان کننگانے و فرم ءِ پارت کننگانے کہ او غٹ اہم شاہدات آتا پوروی اسکان پیدواری سرجزآتے تورے و فرم انا نمائندہ نا کنڈآن جمع کرفوک آ سوغند نامہ نا رداٹ تعلقدار بورڈ انا باضابطہ منظوری ءِ دوئی کے۔