پاک  فضائیہ ہار ءَ چہ آماچ بوتگیں دمگاں  بحالی ء ُ   کمکی کاروائی آں ہوار ڈینگی   ءَ چہ رکینگی مہم ءَ   ہم دیما اِنت 

اسلام آباد۔19ستمبر  (اے پی پی): پاک فضائیہ ءِ سروک ائیر چیف مارشل ظہیر احمد بابر سدھو ءِ حاسیں پنتء ُ  شون ءِ پد ء َ پی اے ایف بیسز ءُریجنل  کمانڈز ریلیف  ء ُ بحالی  ء کارانی تہا بہر زورگ ءَ اَنت۔ پاک  فضائیہ ءِ   اہلکاراں  ہارءِ آماچیں مردماناں وردن ءُ وراک ، لوگ، ساپیں ورگی آپ ء ُ  جان ءُ سلامتی  کمک ءِ  بنکی آسراتی ءِ  سر کنگ  ءِ ھاترء َ   شپ ءُ روچ کوشت کنگ ءَ اَنت۔  حاس پاک فضائیہ  ءِ ایمرجنسی ریسپانس ٹیم سول انتظامیہ ءِ گوما خیبرپختونخوا، سندھ، بلوچستان ء ُجنوبی پنجاب ءِ  ہار ءَ چہ آماچ  بوتگیں دمگاں  ڈینگی ءَ چہ  رکینگی مہم ءَ  دیم اَنت۔  پاک  فضائیہ ءِ جارچین ءِ ردءَ پاک فضائیہ ءَ  ہار ءِ  آماچ بوتگیں مردمانی ھاترءَ 4853 تمبو، 416221 وردن ءِ سامان، 3203.67 ٹن راشن ء ُ 242,824 لیٹر   ورگی ساپیں آپ  سرکتگ۔  گیش ایش کہ  پاک فضائیہ ءَ 45  میڈیکل کیمپ جوڑ کتگ کہ تاں انوں 58353 نادراہ  علاج کنگ بوتگ اَنت۔19807 مردمانی نندگ ءِ  ھاترءَ 20 ٹینٹ سینٹر ءُ 54 ریلیف کیمپ ہم جوڑ کنگ بوتگ۔ پاک فضائیہ ءَ 257  گراباں چہ ہارءِ آماچ بوتگیں 1521 مردماناں  محفوظیں دمگ ءَ سرکنگ بوتگ۔