اسلام آباد۔ 19 ستمبر (اے پی پی) وزیراعظم شہباز شریف اینو(دوشنبے نادے ) آ لندن آن امریکہ غا سرمریک ہراڑے او اقوام متحدہ نا جنرل اسمبلی نا 77 می دیوان اٹی پاکستان نا نمائندگی ءِ کیک۔ وزیراعظم آفس نا میڈیا ونگ آن جاری بیان نا رداٹ وزیراعظم لندن اٹی ملکہ برطانیہ نا آخیریکو رسم آتیٹی بشخ ہلنگ آن پد نیویارک آ سرمریک۔ نیویارک اٹی ساڑی گری ٹی وزیراعظم نا ایلو ملک آتا راہشون آتون اہم ہڑتوم آ کنڈآتا اوڑدہی مریک۔ 20 ستمبر آ وزیراعظم اقوام متحدہ نا سیکرٹری جنرل نا بیابخیری ٹی بشخ ہلیک۔ 20 ستمبر آ وزیراعظم شہباز شریف نا فرانس اٹی صدر ایمانوئیل میخواں تون اوڑدہی مریک۔ 20 ستمبر آ وزیراعظم شہباز شریف نا آسٹریا ناچانسلر و سپین نا صدر تون ہم اوڑدہی مریک۔ وزیراعظم شہباز شریف نا یورپی یونین کونسل نا صدر چارلس مائیکل تون اوڑدہی مریک ۔ وزیراعظم شہباز شریف ’گلوبل فوڈ سیکورٹی ‘کانفرنس اٹی ہم بشخ ہلیک۔ ’گلوبل فوڈ سیکورٹی سمٹ‘ نا بست وبند ءِ سینیگال و افریقی یونین نا صدر کرینے ۔ 21 ستمبر آ وزیراعظم شہبا زشریف نا آئی ایم ایف نا ایم ڈی کرسٹالینا جورجیوا، ورلڈ بینک انا صدر ڈیوڈ ملپس تون اوڑدہی مریک۔ ترکیہ نا صدر رجب طیب اردوان آن بیدس ایران نا صدر سید ابراہیم رئیسی تون ہم وزیراعظم شہباز شریف نا ہڑتوم آ کنڈآتا اوڑدہی مریک۔ وزیراعظم شہباز شریف تون اقوام متحدہ نا جنرل اسمبلی نا صدر نا اوڑدہی مریک۔21 ستمبر آ وزیراعظم شہباز شریف امریکہ نا صدر جوبائیڈن نا کنڈآن اڈہلوک سوارہ ٹی بشخ ہلیک۔ وزیراعظم شہباز شریف 21 ستمبر آ ترکیہ نا صدر و اونا اُرائی نا اعزاز اٹی دے انا اِرغ اس ایتک۔ وزیراعظم شہباز شریف نا فن لینڈ نا صدر سعالی نو سیتو تون اوڑدہی مریک۔ 22 ستمبر آ وزیراعظم شہباز شریف نامائیکرو سافٹ نا بانی بل گیٹس تون اوڑدہی مریک۔ وزیراعظم شہباز شریف نا اقوام متحدہ نا سیکرٹری جنرل انتونیوگوتریس تون اونا دفتراٹی اوڑدہی مریک۔ وزیراعظم نا چین نا وزیراعظم لی کی چیانگ ، جاپان نا وزیراعظم فیومیو کاشیڈا، لیگز مبرگ نا وزیراعظم زیوئیر بٹیل تون اوڑدہی مریک۔ وزیراعظم شہباز شریف نا ملائیشیا نا وزیراعظم اسماعیل صابری یعقوب تون ہم اوڑدہی مریک۔ 23 ستمبر آ وزیراعظم شہباز شریف اقوام متحدہ نا جنرل اسمبلی آن تران کیک۔ وزیراعظم نا نوبل انعام یافتہ ملالہ یوسف زئی تون ہم اوڑدہی مریک۔ وزیراعظم دورہ ٹی پنی آ امریکی اخبار و میڈیا ءِ انٹرویو ہم ایتک۔
