اسلام آباد۔ 19 ستمبر (اے پی پی) وزیراعظم نا سلاہکار سیاسی و السی امور، قومی میرات و دودوربیدگ انجینئر امیر مقام دوشنبے نادے آ وزیراعظم آفس اٹی قومی میرات و دودوربیدگ ڈویژن نا بابت امور نا جاچ ءِ ہلنگ کن دیوان نا کماشی ءِکرے۔ دیوان اٹی سیکرٹری نیشنل ہیریٹیج اینڈ کلچر ڈویژن فارینہ مظہر و نیشنل ہیریٹیج اینڈ کلچر ڈویژن نا بڑزکو کمامدارآک بشخ ہلکر۔ سیکرٹری قومی میرات و دودوربیدگ …
وزیراعظم نا سلاہکار انجینئر امیر مقام قومی میرات و دودوربیدگ ڈویژن نا بابت امور نا جاچ ءِ ہلک
گیشتریں ھال
اسلام آباد۔ 19 ستمبر (اے پی پی) وزیراعظم نا سلاہکار سیاسی و السی امور، قومی میرات و دودوربیدگ انجینئر امیر مقام دوشنبے نادے آ وزیراعظم آفس اٹی قومی میرات و دودوربیدگ ڈویژن نا بابت امور نا جاچ ءِ ہلنگ کن دیوان نا کماشی ءِکرے۔ دیوان اٹی سیکرٹری نیشنل ہیریٹیج اینڈ کلچر ڈویژن فارینہ مظہر و نیشنل ہیریٹیج اینڈ کلچر ڈویژن نا بڑزکو کمامدارآک بشخ ہلکر۔ سیکرٹری قومی میرات و دودوربیدگ ڈویژن سلاہکار وزیراعظم ءِ ڈویژن نا بابت جم امور بشمول اوقات، میرات و فنکار تا آسودہی نا بارواٹ بریف کرے۔ انجینئر امیر مقام قومی تاریخ و دودوربیدگی میرات نا رکھ اکن قومی میرات و دودوربیدگ ڈویژن نا کوشست آتا ستاءِ کرے۔ انجینئر امیر مقام پارے کہ پاکستان متکن آ تہذیب آتا وت ءِ و ننا ملک ءِ دنیا نا گچین تاریخی ہند و نوادرات تسنے ہراڑآن ملک انا مثبت و روشنا امیج ءِ مون آ دننگ مریک۔ اوپاکستان نا قومی میرات ءِ دنیا ٹی مون آ دننگ نا گرج آ زور شاغا۔
