پشاور۔ 19 ستمبر (اے پی پی) صوبائی حکومت خیبرپختونخوا نوکاپ آن زہمی ہند آتا سروے کن موبائل ایپلی کیشن اس آئی ٹی بورڈ انا کمک اٹ تیار کرینے۔ ڈائریکٹر جنرل پی ڈی ایم اے شریف حسین نا کنڈآن جاری بیان اٹی او پارے کہ نوکاپ آن زہمی علاقہ غاتیٹی بھس مروک اُرا تا معاوضہ تننگ کن 15 ستمبر آن اسہ اسیجائی سروے اسے نا بناءِ کننگانے ہراٹی ضلعی انتظامیہ، سی …
نوکاپ آن زہمی ہند آتا سروے ءِ کننگ کن موبائل ایپلی کیشن اس تیار کننگانے، ڈائریکٹر جنرل پی ڈی ایم اے
گیشتریں ھال
پشاور۔ 19 ستمبر (اے پی پی) صوبائی حکومت خیبرپختونخوا نوکاپ آن زہمی ہند آتا سروے کن موبائل ایپلی کیشن اس آئی ٹی بورڈ انا کمک اٹ تیار کرینے۔ ڈائریکٹر جنرل پی ڈی ایم اے شریف حسین نا کنڈآن جاری بیان اٹی او پارے کہ نوکاپ آن زہمی علاقہ غاتیٹی بھس مروک اُرا تا معاوضہ تننگ کن 15 ستمبر آن اسہ اسیجائی سروے اسے نا بناءِ کننگانے ہراٹی ضلعی انتظامیہ، سی اینڈ ڈبلیو ، ایری گیشن، پاکستان آرمی، تعلقدار تحصیلدار، ایجوکیشن مونٹررنگ اتھارٹی، آئی ایم یو و محکمہ جان جوڑی نا نمائندہ غاک سروے ٹی اوار ءُ۔ موبائل ایپلی کیشن اٹی زہمی ہند آتا غٹ کوائف ءِ آن لائن درج کرسا بھس مروک اُرا، شناختی کارڈ و ایلو المی آ کاغد آتا عکس آتے اپلوڈ کننگک۔ سروے باقاعدہ وڑاٹ اسہ منظور مروک ورک پلان اسے نا رداٹ کننگ انگ ءِ۔ اوپارے کہ زہمی اُرا تا معاوضہ ءِ بینک آف خیبر نا کمک اٹ اے ٹی ایم و چیک بک آتا کمک اٹ ادا کننگک۔
