اینٹی نارکوٹکس فورس انا کارروائی، کراچی ٹی بھلو کچ اسے ٹی منشیات دوئی

راولپنڈی۔ 19 ستمبر (اے پی پی) اینٹی نارکوٹکس فورس کراچی ٹی انسداد منشیات کارروائی ٹی بھلو کچ اسے ٹی منشیات دوئی کرے۔ اے این ایف ہیڈکوارٹر راولپنڈی آن جاری بیان نا رداٹ اے این ایف مین کورنگی روڈ کراچی ٹی کارروائی کرسا بھلو کچ اسے ٹی منشیات دوئی کرے۔ کارروائی ٹی 3 دانہ موٹرکار تا اودیم خانہ غاتیٹی چاہنداری اٹ اودیم کروک آ منشیات دوئی کننگا۔ ترجمان پارے کہ جم وڑاٹ ہرمسٹ آ کار تیان 252 کلوگرام چرس دوئی کرے و کارروائی ٹی 4 دوبہ دار ءِ دزگیر کننگا۔ ترجمان پارے کہ دوبہ دار آتا برخلاف انسداد منشیات ایکٹ نا رداٹ مقدمہ درج کرسا مستی جاست وپاست نا بناءِ کننگانے۔