مچ آ ملک اٹی 24 گھنٹہ ٹی 13 ہزار 311 کورونا ٹیسٹ کننگانے، این آئی ایچ

اسلام آباد۔ 19 ستمبر (اے پی پی) نیشنل انسٹی ٹیوٹ آف ہیلتھ (این آئی ایچ) پارینے کہ تدوک آ 24 گھنٹہ ٹی مچ آ ملک اٹی 13 ہزار 311 کورونا ٹیسٹ کننگانے۔ دوشنبے نادے آ این آئی ایچ نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 13 ہزار 311 کورونا ٹیسٹ کننگا ہرافتیان 72 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 0.54 درسد ئسک۔ داکان بیدس داوخت آ کورونا دین آن اسہ ناجوڑ اس زوال کرے وخت اس کہ 82 ناجوڑ آتا حالیت نازرک ءِ۔