نوکاپ و پِر تیٹی دیرپائین اٹی 13 بندغ زوال ، 7 ٹھپی، 13 اسکولپورو وڑاٹ بھس مسنو، ضلعی انتظامیہ

دیر لوئر۔ 19 ستمبر (اے پی پی) ضلعی انتظامیہ دیرلوئر نوکاپ و پِر تیان نسخان تا بابت معلومدار کرسا پارینے کہ دیرپائین اٹی 13 بندغ زوال 7 ٹھپی، 13 اسکول پورو وڑاٹ بھس، 117 ءِ جزوی نسخان رسینگا، اسہ پول اسے پورو وڑاٹ دیر درے،7 پول آتے جزوی نسخان رسینگا۔ انفارمیشن ٹیکنالوجی آفیسر افتخار خان میڈیا نا نمائندہ غاتون گپ وتران کرسا پارے کہ نوکاپ نا بھسکاری تا سرجمی اٹ سروے برجاءِ و دابابت ڈی ڈی ایم یو دیرلوئر زوت پورو رپورٹ اس پیش کیک انفارمیشن ٹیکنالوجی آفیسر افتخار خان پارے کہ تدوک آ دے تالاش اٹی ترند پِر و ترونگڑ آن سلوک فصل آتے نسخان رسینگانے ہراٹی ٹماٹر، مکئی و ایلو سوزیک زہمی مسنو و دافتا پوروی کن ضلعی انتظامیہ دیرلوئر نا ڈی ڈی اے و سٹیٹسٹیکل آفسر سی آر ایس و ایس ایم ایس فصیح الدین کھیت آتا دورہ ءِ کرسا فصل آتا معائنہ ءِ کرینے۔