اسلام آباد۔ 19 ستمبر (اے پی پی) ملک انا نوکاپ آن زہمی علاقہ غاتیٹی بنجائی و صوبائی حکومت آک ، سلہہ بند فوج و کمکی ادارہ غاک ریسکیو، ریلیف و بحالی نا کاریم تیا سلوک ءُ۔ این ایف آر سی سی نا رداٹ ملک انا نوکاپ آن زہمی علاقہ غاتیٹی جم وڑاٹ 12735کلومیٹر سڑک و 374 پول آتے نسخان رسینگانے، غٹ آن زیات زہمی علاقہ غاتیٹی سندھ انا علاقہ قمبر شہداد کوٹ، جیکب آباد، لاڑکانہ ، خیرپور، دادو، نوشہرو فیروز، ٹھٹھہ و بدین وخت اس کہ بلوچستان نا زہمی علاقہ غاتیٹی کوئٹہ،نصیرآباد،جعفر آباد،جھل مگسی،بولان،صحبت پور ولسبیلہ ، وخیبر پختونخوا نا علاقہ غاتیٹی دیر،سوات،چارسدہ،کوہستان،ٹانک و ڈیرہ اسماعیل خان وپنجاب اٹی ڈی جی خان اور راجن پور اوار ءُ۔ پاک فوج انا زہمی علاقہ غاتیٹی کمکی سرجزآک ترندی اٹ برجاءُ۔ زہمی تا کشنگ کن آرمی ایوی ایشن نا ہیلی کیپٹر آتا داتم اسکان 569 جہاز چلیفنگا۔ 24 گھنٹہ ٹی 12 جہاز آتا کمک اٹ 18.4 ٹن راشن زہمی تے سرکننگا۔ آرمی ایوی ایشن نا ہیلی کیپٹر آک داتم اسکان 4653زہمی تے ریسکیو کرینو، سندھ ،سویلی پنجاب و بلوچستان اٹی پاک فوج انا 147 ریلیف کیمپ کاریم کننگ اٹی ءُ، مچ آ ملک اٹی پاک فوج انا 220 ریلیف آئٹم کولیکشن پوائنٹ آتیا کمکی گڑاتا وصولی و بشخنگ نا عمل ہم برجاءِ۔ این ایف آر سی سی نا رداٹ داتم اسکان 9563.6 ٹن راشن و 1619.7 ٹن ضرورت نا گڑاتون 9177878 دوائی جمع کننگانے، 9365ٹن خور، 1585 ٹن گرج انا گڑا و 8832678 دوائی بشخنگانے۔ پاک فوج انا 300 آن زیات میڈیکل کیمپ آتیٹی 3 لکھ 19 ہزار 49 زہمی تا درمان، مفت دوائی تا ہم فراوانی برجاءِ۔ پاک بحریہ نا 4 فلڈ ریلیف کوآرڈنیشن سینٹر و 18 سینٹرل کولیکشن پوائنٹ ہم متحرک ءُ، بحریہ نا کنڈآن 160 ٹن راشن، 5512 تمبو و 717756 لیٹر کنوئی ءُ ساف دیر بشخنگانے۔ پاک بحریہ نا کنڈآن 11 ٹینٹ سٹیز اٹی 17727 ءِ جاگہ فراوان کننگانے۔ پاک بحریہ نا 23 ایمرجنسی ریسپانس ٹیم 10 ضلع غاتیٹی لگوک ءُ و داتم اسکان 15358 بندغ آتے ریسکیو کننگانے۔ پاک بحریہ نا ایمرجنسی ریسپانس ٹیم 46 موٹرائزڈ کشتی و 2 ہوور کرافٹ آتون کاریم کننگ اٹی ءِ، سندھ اٹی پاک بحریہ نا 2 ہیلی کیپٹر ہم اختہ ءُ۔ پاک بحریہ نا ہیلی کیپٹر آک 62 جہاز آتا کمک اٹ 475 بندغ آتے ریسکیو کریر۔ پاک نیوی نا ہیلی کیپٹر آتا کمک اٹ 4811 پیکٹ راشن ہم بشخنگا۔ پاک بحریہ نا 8 غوطہ خور ٹیم تا زہمی علاقہ غاتیٹی 27 ڈائیونگ آپریشن کننگا۔ پاک نیوی نا 70 میڈیکل کیمپ آتیٹی 68179 ناجوڑ آتے آسراتی فراوان کننگانے۔ پاک فضائیہ نا کنڈآن داتم اسکان 4853 تمبو و خور انا 415221 پیکٹ بشخنگا۔ پاک فضائیہ 3202.67 ٹن راشن و 242824 لٹر ساف دیر ہم زہمی تے فراوان کرے۔ پاک فضائیہ نا 45 میڈیکل کیمپ آتیٹی 58353 ناجوڑ آتے درمان نا آسراتی فراوان کننگانے۔ پاک فضائیہ نا 20خیمہ بستی تیٹی 19807 بندغ آتے جاگہ فراوان کننگا، 54 ریلیف کیمپ ہم جوڑ کننگا۔ پاک فضائیہ نا جہاز و ہیلی کیپٹر آتا 257 جہاز آتا کمک اٹ 1521 بندغ آتے ریسکیو کننگا۔ این ایف آر سی سی محکمہ موسمیات نا بابت پارے کہ تدوک آ 24 گھنٹہ ٹی بڑزکو پنجاب، بڑزکو خیبرپختونخواہ، اسلام آباد، کشمیر و گلگت بلتستان اٹی ہورہ و گروک اٹ پِر مس۔ غٹ آن زیات باسنی سبی، نوکنڈی و دالبندین اٹی ئس ہراڑے درجہ حرارت 41 سینٹی گریڈ وخت اس کہ تربت وروہڑی ٹی درجہ حرارت 40 سینٹی گریڈ ریکارڈ کننگا۔ بروک آ 24 گھنٹہ ٹی قطب دے ٹکی پنجاب، بڑزکو خیبرپختونخوا، گلگت بلتستان و کشمیر اٹی پِر وخت اس کہ ملک انا گیشتر علاقہ غاتیٹی موسم باسن و پِرکپننگ نا گمان ءِ۔
