وزارت حوالکاری نوکاپ آن بھسکاری تے تالان کننگ کن اقوام متحدہ سیکرٹریٹ نا لابی ٹی عکسی نمائش اس اڈتسنے، بنجائی وزیر حوالکاری

اسلام آباد۔ 19 ستمبر (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم شہباز شریف نا پارت آ وزارت حوالکاری وشینکاری نیویارک اٹی اقوام متحدہ نا سیکرٹریٹ نا لابی ٹی عکسی نمائش اس اڈتسنے ہراٹی موسمیاتی بدلی تا سوب آن پاکستان اٹی ساڑی آ نوکاپ آن مروک آ بھسکاری تے نشان تننگانے۔ دوشنبے نادے آ تینا ٹویٹ اٹی اوپارے کہ دا نمائش ہندا ہفتہ اقوام متحدہ نا جنرل اسمبلی دیوان اٹی برجاسلک۔ اوپارے کہ نوکاپ آن مروک آ بھسکاری تا بابت عکس آتے اقوام متحدہ نا سیکرٹریٹ لابی ٹی اینو خلنگ انگ ءِ۔