نیویارک۔ 19 ستمبر (اے پی پی) پاکستان نا وزیر خارجہ بلاول بھٹو زرداری اقوام متحدہ نا جنرل اسمبلی نا 77 می دیوان اٹی بشخ ہلنگ کن یک شنبے ناشام آ نیویارک آ سرمس۔ اقوام متحدہ ٹی پاکستان نا آخبتی مندوب منیر اکرم، امریکہ ٹی پاکستان نا سفیر مسعود خان، نیویارک اٹی قونصل جنرل عائشہ علی و اقوام متحدہ ٹی پاکستانی مشن و قونصلیٹ جنرل نا کمامدارآک وزیرخارجہ ءِ بخیر کریر۔ …
وزیرخارجہ بلاول بھٹو زرداری جنرل اسمبلی نا دیوان اٹی بشخ ہلنگ کن نیویارک آ سرمس
گیشتریں ھال
نیویارک۔ 19 ستمبر (اے پی پی) پاکستان نا وزیر خارجہ بلاول بھٹو زرداری اقوام متحدہ نا جنرل اسمبلی نا 77 می دیوان اٹی بشخ ہلنگ کن یک شنبے ناشام آ نیویارک آ سرمس۔ اقوام متحدہ ٹی پاکستان نا آخبتی مندوب منیر اکرم، امریکہ ٹی پاکستان نا سفیر مسعود خان، نیویارک اٹی قونصل جنرل عائشہ علی و اقوام متحدہ ٹی پاکستانی مشن و قونصلیٹ جنرل نا کمامدارآک وزیرخارجہ ءِ بخیر کریر۔ دیوان اٹی مچ آ دنیا غان کم و ود 140 راہشون بشخ ہلیرہ۔ یات سلے کہ وزیرخارجہ سمرقند اٹی شنگھائی کمکار تنظیم نا سروکی دیوان اٹی بشخ ہلنگ آن پد یک شنبے نا سہب آ واشنگٹن آ سرمسوسس۔ وزیر خارجہ بلاول بھٹو زرداری جی۔ 77 و چین نا وزیرخارجہ غاتا سالانہ دیوان و او آئی سی وزراء خارجہ نا سالانہ کوآرڈنیشن دیوان نا کماشی تون اوار اوار کیہی بڑزکو کہول انا دیوان اٹی بشخ ، چندی ملک آتا وزراء خارجہ تون اوڑدہی، تھنک ٹینک آن تران و او آئی سی رابطہ ٹولی جموں وکشمیر نا دیوان اٹی بشخ ہلیک۔
