لندن۔ 18 ستمبر (اے پی پی) وزیراعظم محمد شہباز شریف یک شنبے نادے آ مسکوہی وزیراعظم و پاکستان مسلم لیگ (ن) نا قائد نواز شریف تون داڑے اوڑدہی کرے و چندی امور آ گپ وتران کرے۔ اوکان پد میڈیا تون گپ وتران کرسا وزیراعظم پارے کہ سنگت ملک آک نوکاپ زہمی تا کمک ءِ کننگ اٹی ءُ، کمکی گڑا ک ہوائی جہاز، ریل و بحری جہاز آتا کمک اٹ سرمننگ ءُ، پاکستان نا الس ہم عطیہ تننگ ءِ و بنجائی و صوبائی حکومت آک نوکاپ آن زہمی بندغ آتا امداد و بحالی ٹی تینا کڑد ءِ ادا کننگ اٹی ءُ۔ اوپارے کہ سیوتی بنجائی حکومت نوکاپ زہمی تیکن 70 ارب روپئی جتا کرینے و بے نظیر انکم سپورٹ پروگرام (بی آئی ایس پی) نا کمک اٹ زہمی خاہوت آتے 25 ہزار روپئی تننگ انگ ءِ۔ شہباز شریف پارے کہ حکومت قومی و صوبائی ڈیزاسٹرمینجمنٹ اتھارٹیز نا کمک اٹ نوکاپ زہمی تے ساف دیر، خور، تمبو و ایلو المی آ گڑاتے فراوان کننگ ءِ۔ مچ آ قوم و سلہہ بند فوج نوکاپ زہمی تا کمک ءِ کننگ اٹی ءُ۔
