بروک آ بیست ءُ چار گھنٹہ ٹی  ملک انا گیشتر علاقہ غاتیٹی موسم باسن و بارُن وخت اس کہ نیامی و سویلی علاقہ غاتیٹی باسن سلک، محکمہ موسمیات

اسلام آباد۔ 18 ستمبر (اے پی پی) بروک آ بیست ءُ چار گھنٹہ ٹی ملک انا گیشتر علاقہ غاتیٹی موسم باسن و بارُن وخت اس کہ نیامی و سویلی علاقہ غاتیٹی باسن سلک۔ گلگت بلتستان اٹی گڑاس ہند آتیا پِر مننگ کیک۔ تدوک آ 24 گھنٹہ ٹی ملک انا گیشتر علاقہ غاتیٹی موسم باسن و پِرکتنے ولے سویلی پنجاب ، بڑزکو خیبرپختونخوا و گلگت بلتستان اٹی گڑاس ہند آتیا ترند تہو و ہورہ و گروک اٹ پِر مس۔ غٹ آن زیات پِر کوٹ ادو ٹی 50 ملی میٹر، وہوا(ڈی جی خان) 6، پاراچنار25، کالام اسٹ، بابوسر5، بگروٹ4 و استور اٹی 3 ملی میٹر ریکارڈ کننگا۔ یک شنبے نادے آ ریکارڈ کروک آ زیات آن زیات درجہ حرارت نا رپورٹ نا رداٹ نوکنڈی ٹی درجہ حرارت 41، سبی و دالبندین اٹی 40 ڈگری سینٹی گریڈ ریکارڈ کننگانے۔