اسلام آباد۔ 18 ستمبر (اے پی پی) کمیونسٹ پارٹی آف چائنا نا سینٹرل کمیٹی نا انٹرنیشنل ڈیپارٹمنٹ پاکستان اٹی چین نا سفارت خانہ نا کمک اٹ قومی و علاقائی کہول انا سیاسی جماعت آتے بلوچستان نا نوکاپ آن زہمی مخلوق کن فوڈ پیک امداد نا عطیہ تسنے۔ یک شنبے نادے آ داڑے جاری مروک بیان اسے ٹی پارے کہ پاکستانی الس بھلو کچ اسے آ نوکاپ نا سوب آن تباہ کن حالیت آتون مون تننگ اٹی ءِ، ہراسڑک آتا رابطہ ، بنداوی پنجر وخور انا فراوانی نا چرجوئی ءِ بھلو نسخان اس ترسا ہر کہول آ اوفتا روزی روٹی ءِ زہمی کرے۔ ریلیز اٹی پاننگاکہ ملک اکن مشکل نا داساہت اٹی چین اسہ وار ولدا پاکستانی الس نا مالی کمک، طبی خذمت، تمبو، ضرورت مند آتیکن خور و ہروڑنا کمک فراوان کرے۔نوکاپ نا بابت امداد کمیونسٹ پارٹی آف چائنا نا سینٹرل کمیٹی نا انٹرنیشنل ڈیپارٹمنٹ تینا سفارت خانہ نا کمک اٹ ضرورت مند خاہوت آتے فوڈ پیک نا عطیہ کرے۔ چینی سفارت خانہ نا کمک اٹ کمیونسٹ پارٹی آف چائنا نا سینٹرل کمیٹی نا انٹرنیشنل ڈیپارٹمنٹ آن نوکاپ نا بابت امدا د دوئی کروک آ سیاسی جماعت آتیٹی ، جمہوری وطن پارٹی، پشتونخوا ملی عوامی پارٹی، ہزارہ ڈیموکریٹک پارٹی، بلوچستان عوامی پارٹی ، عوامی نیشنل ، ایم کیو ایم و متحدہ قومی موومنٹ پاکستان اوار ءُ۔
