اسلام آباد۔ 18 ستمبر (اے پی پی) بنجائی وزیر خزانہ مفتاح اسماعیل تون ورلڈ بینک انا کنٹری ڈائریکٹر نجے بن حسنی و ورلڈ بینک انا انرجی پروگرام لیڈر ٹیوٹا کاسینیکوئسک اوڑدہی کرینو۔ وزارت خزانہ نا کنڈآن جاری پریس ریلیز نا رداٹ یک شنبے نادے آ داڑے فنانس ڈویژن اٹی مروک آ دا اوڑدہی ٹی جہانی بینک انا آرآئی ایس ایIIو پی اے سی ای IIپروگرام تیا گپ وتران کننگا۔ اوڑدہی ٹی وزارت خزانہ انرجی ڈویژن و ایف بی آر نا بڑزکو کمامدارآک ہم ساڑی ئسر۔ داوخت آ وزیر خزانہ ءِ آرآئی ایس ای IIو پی اے سی ایIIپروگرام تیا حوال تننگا۔ اوڑدہی ٹی دا پروگرام تا بابت داتم اسکان دوئی ہدف آتیا است جمی نا درشانی ءِ کننگا و داپروگرام تا وخت آ پوروی نا بابت ایکشن پلان آہم گپ وتران کننگا۔ وزیر خزانہ شریدار کمامدار آتے پارے کہ دا پروگرام تا بارواٹی غٹ گام گیج آتیا فاسٹ ٹریکنگ نا عمل نا بناءِ کننگے و پارت کرے کہ آرآئی ایس ای IIو پی اے سی ایIIپروگرام تیا غٹ المی گام گیج آتے اولیت تننگے۔ وزیر خزانہ پدریسہ کمک و کمکاری نا بابت جہانی بینک انا کمامدارآتا منت واری ءِ ہم ہرفے۔
