نیویارک۔ 18 ستمبر (اے پی پی) صدر آزاد جموں وکشمیر بیرسٹر سلطان محمودچوہدری پارینے کہ 24 ستمبر ہفتہ نادے آ بھارتی وزیراعظم یا بھارتی وزیرخارجہ نا اقوام متحدہ نا جنرل اسمبلی آن گمانی تران نا وخت آ امریکہ ٹی رہینگوک آ کشمیریک اقوام متحدہ نا دفتر نا مون آ اسہ برانزی مچی اس کیرہ۔ داڑے ملوک آ پریس ریلیز نا رداٹ دا مچی نا چرجوئی ٹی مچ آ امریکہ ٹی زور و شور اٹ تیاری تا بناءِ کننگانے۔ امریکہ ٹی رہینگوک آ کشمیریک تینا نظریاتی، سیاسی، راجی تعلقداری تیان ایڑتر مرسا دا مچی ٹی پبی وڑاٹ بشخ ہلسا اودے سرسہب کیرہ و اقوام عالم ءِ دا باور کرفرہ کہ مچ آ دنیا ٹی کشمیریک مقبوضہ کشمیر نا الس تون ءُ، و بھارت کشمیری الس نا جوزہ حریت ءِ تینا توپ و تفنگ اٹ توننگ کپک و ننا دا جہد ہمووخت اسکان برجاسلک ہراتم اسکان کہ مقبوضہ کشمیر آجو مفک۔ داخیال آتا درشانی ءِ او داڑے نیویارک نا علاقہ بروکلین اٹی مسکوہی ممبر کشمیر کونسل سردار سوار خان نا ہنکین آ و کوئنز اٹی چوہدری ظہور نا ہنکین آ 24 ستمبر آ اقوام متحدہ نا دفترنا مون آ کشمیری تا برانزی مچی تا تیاری تا بابت چندی دود آتیان تران کرسا کرے۔ داوخت آ بروکلین اٹی دود اٹی مسکوہی ممبر کشمیر کونسل سردار سوار خان، قاضی مشتاق، پرویز صدیقی، انجینئر ارشد محمود، چوہدری صابر، سردار شفیع خان، سردار طاہر خان، راشد مسعود، چوہدری محمد حنیف، چوہدری اختر، قمر چوہدری، نوید چوہدری، واجد اکرم، عامر مقبول، سردار ساجد سوار، سردار باسط سوار، سلام خان، عرفان خان، عثمان خان، سردار واجد سوار و ایلوفک ہم ساڑی ئسر۔
