اسلام آباد۔ 18 ستمبر (اے پی پی) پاکستان غیرکانودی بھارتی مقبوضہ جموں وکشمیر اٹی مولانا عبدالرشید داؤدی، مولانا مشتاق احمد ویری و جماعت اسلامی نا پنچ باسک آتون اوار پنی آ اسلامک اسکالرآتا دزگیری و غیرکانودی دزگیری نا ترندی اٹ مذمت ءِ کیک۔ یک شنبے نادے آ دفترخارجہ نا کنڈآن جاری بیان نا رداٹ بھارت نا دا ناپاک گام اقوام متحدہ نا جنرل اسمبلی نا دیوان آن مست کننگانے ہرا انسانی حق و بنداوی آجوئی تا بابت بھارت نا بے حسی و سراسر انحراف نا ڈیک ءِ۔ دا دزگیریک مقبوضہ جموں و کشمیر اٹی کودک کشمیری تا انسانی حق انا خلاف ورزی تا چرجوئی ٹی بھارتی مقبوضہ فورس آتا گندہ انگا گام ءِ۔ دفترخارجہ پارے کہ غیرکانودی بھارتی مقبوضہ جموں وکشمیر اٹی کشمیری الس مہالو آن بھارتی ظلم و جور اتون مون تننگ ءُ وخت اس کہ کشمیری مذہبی راہشون تا بے بنداو دوبہ غاتیا غیر کانودی دزگیری کشمیری تا مذہبی آجوئی و دودوربیدگی شناخت آن محروم کننگ نا بھارت نا اسہ پین بے سہب کوشست اسے۔ ڈریکو نیئن پبلک سیفٹی ایکٹ نار داٹ کشمیری اسلامک اسکالر آتا دزگیری و اِرا اِرا سال آن زیات وخت اسکان غیرکانودی دزگیری غٹ جہانی انسانی کانود آتا خلاف ورزی ءِ ہرا بھارت نا وقف بورڈ املاک آ غیرکانودی کوزہ نا بے سہب کوشست اسے۔ بھارت نا داوڑنا گام گیج آتیٹی غیرکانودی بھارتی مقبوضہ جموں وکشمیر اٹی بھلو کچ اسے آ برانز کننگ انگ ءِ و دا بابت کشمیری تیٹی سخت بے چینی ءِ۔
