کراچی۔ 18 ستمبر (اے پی پی) پاک فضائیہ نا کنڈآن خیبرپختونخوا، سندھ ، بلوچستان و سویلی پنجاب نا نوکاپ آن زہمی علاقہ غاتیٹی ریسکیو، ریلیف و بحالی نا کارروائیک برجاءُ۔ جاری اعلامیہ نا رداٹ پاک فضائیہ نا کارندہ غاک نوکاپ زدگان نا آسودہی، خور، ہنکین، کنوئی ءُ دیر، طبی امداد و بنداوی گرج آتا وخت آ فراوانی کن دے و نن کوشست کننگ اٹی ءُ۔ تدوک آ 24 گھنٹہ ٹی 20 ہزار 60 تیار کن و خور انا پیکٹ، 8 ہزار 851 دیر انا بوتل و 2 ہزار 520 راشن پیکٹ تون اوار کمکی گڑا چوہڑجمالی، میر پور خاص، سنداد، بلو، جھل مگسی، راجن پور، مٹیاری، تلہار، مچی، بولانی، لاشاری، ناروا، مچکا، گھارو، جاتی، کوڈاریو، حاجی پور، بستی شیر محمد، لاکھڑا، مٹیاری، سعید آباد ، شہداد کوٹ، صحبت پور ، بستی جاگیر گبول، فاضل پور و اللہ ورائیو جمالی نا ضرورت مند خاہوت آتیٹی بشخنگا۔ پاک فضائیہ نا ایمرجنسی ریسپانس ٹیمک نصیر آباد، جیکب آباد، کھیروی ، سندھڑی، سانگھڑ، گوٹھ اسماعیل، کمہار، سرگل، پھلاری، دادو، پگدرشاہ، میاں پوٹا، پشین، قلعہ عبداللہ ، قلعہ سیف اللہ ، ٹھل، سیہون ، نواب شاہ، سکرنڈ، اسابھٹی، سکھر، پیرپٹھو، اتھل، حیدر آباد، میرپور خاص، تلہار، نواں کلی ، گلستان کلی صالح و کلی حبیب زئی نا نوکاپ زہمی تے ہم امداد تسر۔ داکان بیدس پاک فضائیہ نا کنڈآن خلوک آ فری میڈیکل کیمپ ہندی مخلوق ءِ پدریسہ مفت آسراتی فراوان کننگ ءُ۔ تدوک آ 24 گھنٹہ ٹی فیلڈ ہسپتال آتیٹی تعینات پاک فضائیہ نا میڈیکل ٹیمک 489 ناجوڑ آتا مفت درمان ءِ ہم کریر۔
