اسلام آباد۔ 18 ستمبر (اے پی پی) چینی کمپنی لونگ پنگ و گارڈ ایگری سکھر نا نوکاپ زدہ علاقہ غاتیٹی زہمی تا زوت بحالی کن کمکی گڑاتیان پُر ٹرک روانہ کریر۔ یک شنبے نادے آ کمکی گڑاتا روانگی آن مست میڈیا تون گونڈ ءُ گپ وتران اس کرسا چینی کمپنی نا کنٹری ہیڈ لیولین ہوئی و چیف ایگزیکٹیو گارڈ ایگری شہزاد علی ملک ستارہ امتیاز ئسک پاریر کہ چین و پاکستان نا نیام اٹ سنگتی نا بناء آ 20 اگست 1999 آں یوآن لونگ پنگ ہائی ٹیک ایگریکلچر کمپنی (ایل پی ایچ ٹی) و گارڈ ایگریکلچرل ریسرچ اینڈ سروسز(جی اے آرایس) پاکستان اٹی ہندی آفت آتون مون تننگ نا سرجزآتیٹی فعال وڑاٹ اوار مسنو۔ کمکی سرجز آتا سرجم آتے پارسا مسٹرلیو پارے کہ آفت زدہ علاقہ غاتیکن ککل 32.19 ملین روپئی نا گڑا فراوان کننگانے ہرافتے ٹی 26.19 ملین روپئی مالیت نا گڑا، 8.8 ملین روپئی مالیت نا 440 تمبو، 16.22 ملین روپئی نا 171.5 ٹن برنج، 7 لکھ 77 ہزار روپئی نا 1920 کلوگرام بے، 4 لکھ روپئی نا 5 ٹن نُت، 20 لکھ روپئی نغد عطیہ وخت اس کہ 4 ملین روپئی ہندی عملہ نا اُراتا پوسکن تفنگ کن تننگانے۔ امداد بنداوی وڑاٹ لاڑکانہ، نوڈیرو، خیرپور، نواب شاہ، سانگھڑ، سوات، مردان و ایلو علاقہ غاتیٹی پوسکن تفنگ کن کاریم اٹ اتنگک۔ سینئر ایگزیکٹو گارڈ ایگری مومن علی ملک پارے کہ لونگ پنگ اسہ ہائی ٹیک ماڈرن سیڈ ٹولی اسے ہرانا پن ماہر تعلیم یوآن لونگ پنگ نا پن آ تخنگانے۔ غذائی رکھ انا حکمت عملی نا نفاذ کمپنی نا اولین مسخت و ‘‘ بج آتا شونداری، دنیا ءِ فائدہ’’کمپنی نا مشن ءِ۔
