اسلام آباد۔ 17 ستمبر (اے پی پی) اسلامی کمکار تنظیم (او آئی سی ) نا سیکرٹری جنرل حسین ابراہیم طہ پارینے کہ اقوام متحدہ نا جنرل اسمبلی نا 77 می دیوان نا وخت آ تنظیم نا باسک ملک آتا راہشون، صدر و علاقائی و جہانی تنظیم تا کمامدار آتا سائیڈ لائن دیوان ہم گمانی ءِ۔ او آئی سی سیکرٹریٹ جدہ غان جاری پریس ریلیز اٹی پاننگانے کہ سیکرٹری جنرل اقوام متحدہ جنرل اسمبلی نا دیوان اٹی او آئی سی نا وزرائے خارجہ نا کلہو انا سالانہ سلابتی دیوان اتون اوار اوار فلسطین نا بابت تنظیم نا 6 باسکی کمیٹی، یورپ اٹی مسلمان تا رابطہ ٹولی، جموں و کشمیر آ رابطہ ٹولی و میانمار اٹی روہنگیا مسلمان تا بابت رابطہ ٹولی نا دیوان ہم مریک۔ یات سلے کہ او آئی سی نا سیکرٹری جنرل اقوام متحدہ نا جنرل اسمبلی نا 77 می دیوان اٹی بشخ ہلنگ کن بڑزکو کہول انا ڈل انا کماشی ءِ کیک۔
