اسلام آباد۔ 17 ستمبر (اے پی پی) وزیراعظم محمد شہباز شریف نا خصوصی پارت آ دادو۔جوہی 132 کے وی ٹرانسمیشن لائن نا بحالی نا کاریم ترندی اٹ برجاءِ ، دادو۔ جوہی ٹرانسمیشن لائن نا بحالی آن جوہی ، واہی پاندھی نا خلق و کیبی علاقہ غاتے بجلی نا سپلائی بحال مریک، گورکھ ہل اسٹیشن نا اسہ فیڈر اس ہم بحال مریک۔ وزیراعظم آفس میڈیا ونگ آن جاری بیان نا رداٹ علاقہ ٹی 8 فیٹ اسکان نوکاپی دیرانا سلنگ آن پد ہم سکھر الیکٹرک پاور کمپنی نا کارندہ غاک کشتی تا کمک اٹ کاریم ءِ برجاتخانو۔ وزیراعظم نوکاپ زدہ علاقہ غاتیٹی بحالی نا کاریم تے تینٹ مانیٹر کننگ اٹی ءِ، دا بابت اودے ہڑدے ئی بنداو آ رپورٹ پیش کننگ انگ ءِ۔
