کراچی۔ 17 ستمبر (اے پی پی) پاک فضائیہ نا کنڈآن خیبرپختونخواہ، سندھ، بلوچستان و سویلی پنجاب نا نوکاپ آن زہمی علاقہ غاتیٹی کمکی کارروائی و ڈیزاسٹر ریلیف آپریشن برجاءِ۔ پاک فضائیہ نا کنڈآن جاری اعلامیہ نا رداٹ پاک فضائیہ نا ریجنل کمانڈز و ایئر بیسز نوکاپ زدہ علاقہ غاتیٹی نوکاپ زہمی تے خور، ہنکین، طبی آسراتی و المی گڑاتا فراوانی ٹی لگوک ءُ۔ پاک فضائیہ نوکاپ زہمی تیکن 4 ہزار 848 تمبو، 3 لکھ 77 ہزار 457 تیار کن و خور نا پیکٹ، 3095.25 ٹن بارُن ءُ راشن و 2 لکھ 31 ہزار 693 لیٹر کنوئی ءُ ساف دیر تس۔ داکان بیدس، پاک فضائیہ 45 میڈیکل کیمپ جوڑ کرینے ہراڑے داتم اسکان 56 ہزار 559 ناجوڑ آتا طبی معائنہ ءِ ہم کننگانے۔ 19 ہزار 807 بندغ آتا رہینگ انگ کن 20 ٹینٹ سٹیز و 54 ریلیف کیمپ ہم جوڑ کننگانے۔ پاک فضائیہ نا ہیلی کیپٹر و ٹرانسپورٹ فلیٹ ہم تدوک آ 24 گھنٹہ ٹی 255 جہاز بال کریر و نوکاپ آن زہمی علاقہ غاتیٹی اختہ 99 بندغ آتے حفاظت اٹ کشا۔
