کوئٹہ۔ 17 ستمبر (اے پی پی) ایڈمنسٹریٹر لوکل گورنمنٹ کوئٹہ عصمت اللہ بازئی پارینے کہ لوکل گورنمنٹ ساڑی آ نوکاپ و پِر آن پد ملیریا نا تالانی ءِ توننگ کن چندی علاقہ غاتیٹی اسپرے نا کاریم نابناءِ کرینے، الس کنوئی آ گڑا و دیر تا باہ ءِ ہلیر تخر و چک آتے پاش تخنگ نا جاگہ غا بند ءُ جاگہ سے آ تخر تانکہ نسخان تیان بچنگ مرے۔ داہیت ءِ او ہفتہ نادے آ لوکل گورنمنٹ نا آفیسر آتا دیوان آن تران کرسا پارے۔ داوخت آ انجینئر مہر شاہ و ایلوفک ہم ساڑی ئسر۔ عصمت اللہ بازئی پارے کہ لوکل گورنمنٹ تینا کچ اٹنگا وسیلہ غاتے ٹی رہینگسا تینا کنٹرول اٹی علاقہ غاتیٹی الس ءِ سفائی تون اوار ایلو آسراتی تا فراوانی کن غٹ دوئی وسیلہ غاتے کاریم اٹ اتنگ ءِ، لوکل گورنمنٹ تون مشینری و فنڈ انا کمتی آن پدہم پرائیویٹ مشینری تا کمک اٹ سفائی و کچرہ غاتے ہرفنگ ءِ پک کننگانے۔
