کوئٹہ۔ 17 ستمبر (اے پی پی) محکمہ ایریگیشن بلوچستان نا وضاحتی بیان اٹی پاننگانے کہ صوبائی حکومت نا پبی کوشست ءِ کہ زوت آن زوت نوکاپ نا دیر ءِ آبادی و کشاری ڈغارتیان کشنگے، زہمی مخلوق ءِ تینا علاقہ غاتیٹی دُوارہ آبادکننگ کن گام گیج برجاءِ ہراتم اسکان دیر سلک ہموتم اسکان پین مشکل ودی مرسا کیک، المی ءِ کہ نوکاپ نا دیر ءِ کشنگ نا کسر ءِ تننگے، حکومت غٹ کسر تا پورو بحالی و زہمی تا دُوارہ تینا علاقہ غاتیٹی آبادکاری ءِ پک کننگ ءِ ، محکمہ آبپاشی نا پاننگ ءِ کہ وزیراعلیٰ بلوچستان ، وزیر آبپاشی ، چیف سیکرٹری بلوچستان و کورکمانڈ 12 کور نوکاپی دیر تا کشنگ نا عمل اٹی خصوصی است خواہی ہلنگ ءُ محکمہ ایریگیشن نا انجینئر و ایلو عملہ الس نا خذمت اٹی دے و نن لگوک ءُ، محکمہ نا انجینئر سول انتظامیہ نا سلابت اٹ سہی سمت اٹ نوکاپی دیر ءِ کشنگ اٹی ءُ، دیر ءِ کسر اس ترسا اوستہ محمد شار ءِ نوکاپی حالیت آتیان رکھ تخنگ و ایلو علاقہ غاتیان دیر کشنگ کن کوشست برجاءِ۔
