اسلام آباد۔ 17 ستمبر (اے پی پی) پاک فضائیہ نا سروک ایئر چیف مارشل ظہیر احمد بابر سدھو پارینے کہ پاک فضائیہ نا آپریشنل سکردو ایئر بیس نا کنڈآن انفراسٹرکچر و عسکری لائخی تیٹی ودکی پاک فضائیہ نا آپریشنل لائخی تے ودفنگ و عسکری حکمت عملی ٹی اہم ءُ مزل نا نشان اسے نا حیثیت تخک، پاک فضائیہ نا قطبی ریجن اٹی فضائی لائخی و عسکری ردعمل دا جدت آن پین سوگو مسنے، ڈیہہ نا ساڑی آ حالیت داہیت انا خواستگار ءِ کہ ننے ہروڑنا تہہ یا پیشن نا سیکورٹی چیلنج نا ورندی ءِ تننگ کن ہروخت تیار سلوئی مریک۔ پاک فضائیہ نا ترجمان نا کنڈآن ہفتہ نادے آ داڑے جاری بیان نا رداٹ پاک فضائیہ نا سروک داخیال آتا درشانی ءِ پی اے ایف نا تنصیب ، پوسکن تفنگوک آ انفراسٹرکچر، ازباب و سپورٹ یونٹ آتا آپریشنل جاچ ءِ ہلنگ کن ، قطبی سیکٹر اٹی پاک فضائیہ نا آپریشنل سکردو ایئر بیس نا دورہ نا وخت آ آفیسر و عملہ غان تران کرسا کرے۔ کارندہ غاتیان تران اٹی پاک فضائیہ نا سروک پارے کہ انفراسٹرکچر و لائخی ٹی ودکی آن پی اے ایف نا آپریشنل لائخی ٹی ودکی مریک و دا کمپلیکس نا کسبی لائخی تے دمدستی مربوط ردعمل اس ودی کننگ اٹ کمکار مریک۔
