پشاور۔ 17ستمبر (اے پی پی) خیبرپختونخوا حکومت نوکاپ آن زہمی ضلع غاتیٹی اُراتے ملوک آ نسخان تا پوروی کن سروے نا بناءِ کرینے ہراکہ بھاز ترندی اتون برجاءِ۔ پی ایم آر یو خیبرپختونخوا کمامدارآتا رداٹ سروے کن تیار کروک آ خصوصی موبائل اپلیکیشن نا بابت تعلقدار عملہ ءِ تربیت ہم تننگانے، سروے کن فیلڈ ٹیمک اُرا اُرا غا ہنسا موبائل ایپلی کیشن نا کمک اٹ معلومداری یکجا کیرہ۔ پی ایم آر یو خیبرپختونخوا کمامدار آتا پاننگ ءِ کہ معاوضہ نا ترند و شفاف وڑاٹ زرتس کن موبائل ایپلی کیشن نا کمک اٹ سروے کننگک و زہمی تے زر انا زرتس کلیم اسیسمنٹ کمیٹی ہرانا چیئرمین ڈپٹی کمشنر ءِ ، نا منظوری آن پد بینک آف خیبرنا کمک اٹ کننگک۔ پی ایم آر یو خیبرپختونخوا کمامدارآتا پاننگ ءِ کہ نوکاپ آن زہمی اُراتا سروے ءِ کننگ اٹ فیلڈ ٹیم تے گڑاس مشکل آتون مون تروک مس و موبائل ایپلی کیشن اٹی پیچیدگی نا پیدواری ءِ کننگاسس ہرافتے خیبرپختونخوا آئی ٹی بورڈ وخت آ مر کرینے۔
