اسلام آباد۔ 17 ستمبر (اے پی پی) بنجائی وزیر دفاع خواجہ محمد آصف پارینے کہ داوخت آ قوم ءِ تین پہ تینی سیوت و سیاسی سوگوی نا گرج ءِ، ملک انا 22 کروڑ الس ءِ متحد مرسا نوکاپ زدگان تا کمک و بحالی ٹی کڑد ادا کروئی مریک، شنگھائی کمکار تنظیم (ایس سی او ) نا دیوان اٹی وزیراعظم محمد شہباز شریف ءِ پبی پذیرائی ملا، داوخت آ دہ مملکت آتا سروک آتون اوڑدہی مس، پاکستان اٹی سیاسی نزوری نا فضائی نا چٹفنگ ناگرج ءِ انتئے کہ ملکی شونداری کن کمک کروک آ ملک آک داڑآن زہمی مریرہ، ہراتم ننا حکومت بس تو ملک بھاز مخدوش ئسک ہراپدریسہ جوان مننگ ءِ ، حالیت آتیٹی گچینی بریک تو کبینی ہم کم مریک، صدر پیوٹن روس یوکرین جھیڑہ غا پاکستان نا نقطہ نظر نا ستاءِ کرے۔ داخیال آتا درشانی ءِ او ہفتہ نادے آ داڑے وزیراعظم محمد شہباز شریف نا ایس سی او سربراہان مملکت نا دیوان اٹی بشخ ہلنگ نا بابت میڈیا ءِ حوال ترسا کرے۔ اوپارے کہ دیوان اٹی پاکستانی سرکڑدہ و ڈل انا غیر رسمی اوڑدہی مس، تنظیم نا باسک ملک آک نوکاپ نا بابت پاکستان تون ہمدردی نا درشانی ءِ کرسا کمک نا عندیہ تسر۔ اوپارے کہ ایس سی او نا دیوان نا وخت آ چین، روس، ایران و ترکیہ نا صدر تون اہم اوڑدہی مس ہرافتے ٹی غٹ ملک آتا سرکڑدہ غاک پبی کمکاری نا باوری کرفیر۔ اوپارے کہ چین نا صدر شی جن پنگ وزیراعظم ءِ دورہ چین نا سلہ خلک
