اسلام آباد۔ 17 ستمبر (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم محمد شہباز شریف موسم نا خرابی نا سوب آن میانوالی و ٹانک آ ہِننگ کتو، وزیراعظم شہباز شریف نا ہیلی کیپٹر موسم نا خرابی نا سوب آن میانوالی آن پدی مسنے۔ہفتہ نادے آ تینا اسہ ٹویٹ اسے ٹی اوپارے کہ وزیراعظم نوکاپ آن زہمی علاقہ غاتا دورہ غاتا چرجوئی ٹی اول میانوالی ولدا ولدا ٹانک آ اودے ہنوئی ئسک۔وزیراعظم ءِ تفنگوک آ 100 اُراتا بناءِ کروئی ئسک۔ اوپارے کہ وزیراعظم تینا ٹانک انا تدوک آ دورہ نا وخٹ آ نوکاپ زہمی تیکن اُراتا تفنگ نا قول کریسس۔ موسم نا خرابی نا سوب آن وزیراعظم ءِ میانوالی آن اسلام آباد آ ہنوئی تما ۔ اوپارے کہ وزیراعظم بالی پٹ آ نوکاپ نا بابت جاچ دیوان اس بٹنگا۔ وزیراعظم ریسکیو و ریلیف نا کاریم تا بابت تازہ معلومدار دوئی کیک۔ اوپارے کہ وزیراعظم بالی پٹ آ نوکاپ تون تعلقدار دیوان آن پد لندن آ روانہ مریک۔
