اسلام آباد۔ 17 ستمبر (اے پی پی) وزیراعظم محمد شہباز شریف موسم نا خرابی نا سوب آن میانوالی و ٹانک آ ہِننگ کتو، وزیراعظم شہباز شریف نا ہیلی کیپٹر موسم نا خرابی نا سوب آن میانوالی آن پدی مس۔ وزیراعظم آفس میڈیا ونگ انا کنڈآن جاری بیان نا رداٹ ہفتہ نادے آ وزیراعظم محمد شہباز شریف نوکاپ آن زہمی علاقہ غاتا دورہ غاتا چرجوئی ٹی اول میانوالی ولدا ولدا ٹانک آ اودے ہنوئی ئسک۔ تینا دورہ ٹی وزیراعظم ءِ ٹانک اٹی تفنگوک آ 100 اُراتا بناءِ کروئی ئسک۔ یات سلے کہ وزیراعظم تینا ٹانک انا تدوک آ دورہ نا وخٹ آ نوکاپ زہمی تیکن اُراتا تفنگ نا قول کریسس۔ موسم نا خرابی نا سوب آن کمامدارآک وزیراعظم ءِ پدی اسلام آباد آ ہِننگ نا فیصلہ کریر۔ موسم نا خرابی نا سوب آن دورہ نا موخر مننگ نا سوب آن وزیراعظم نور خان ایئر بیس راولپنڈی آ نوکاپ نا بابت جاچ دیوان ءِ بٹنگا۔ وزیراعظم ریسکیو و ریلیف نا کاریم تا بابت تازہ معلومداری دوئی کیک۔ وزیراعظم ایئر بیس آ نوکاپ تون تعلقدار دیوان آن پد لندن آ روانہ مریک۔
