اسلام آباد۔16ستمبر (اے پی پی):امریکا ءَ چہ ہار ءِ آماچیں مردمانی کمکی سامانانی دگہ سے گراب پاکستانءَ سربوتگ۔ دری کارانی کارگس ءِ جارچین ءِ ردءَ امریکہ ءِ نیمگ ءَ ہار ءِ آماچیں مردمانی کمک ءِ ھاترءَ تاں انوں 18 گراب پاکستان ءَ سربوتگ اَنت۔ کمکی سامانانی یک گرابے ناح انٹرنیشنل ایئرپورٹ کراچی ءَ ایر اَتکگ ء ُ دو گراب سکھر بالی پڑءَ ایر اَتکگ اَنت۔ اے کمکی سامانانی گرابانی تہا پاکستان ءِ ہارءِ آماچیں دمگاں انسانی ہمدردی ءِ بنیات ءَ آپریشن کنگ ء ِ ھاترء َ کمکی سامان سرکنگ اِنت۔ پاکستان ءَ امریکہ ءِ نیمگ ءَ چہ ہار ءَچہ آماچیں دمگاں کمکی کاروائی ءِ ھاترءَ انسانی کمک ءِ سرکنگ ءِ سرءَ وشی ءِ درشانی کتگ ء ُ امریکہ ءِ شکرء ُ منت گپتگ۔
