اسلام آباد۔16ستمبر (اے پی پی): جان ءُ سلامتی ءِ بنجاہی وزیر عبدالقادر پٹیل ءَ گشتگ کہ تپ ءَ کارمرز بوہوکیں درمانانی کمی ءَ را ہلاس کنگءِ ھاترءَ درائیں کوشست کنگ بوہگءَ اَنت۔ آئی ءَ اے گپ جمعہ ءِ روچئَ پیناڈول ءُ پیراسٹامول ءِ دست کپگ ءِہوالگءَ برجم داشتگیں دیوان ءِ سروکی کنان ءَ کتگ۔ آئیءَ گشتگ کہ سرجمیں ملک ءَ تپ ءِ درمانءِ دست کپگ، پیداوار ءِ ہوالگءَ گامگیج کنگ بوہگ ءَ اَنت، تپ ءَ کارمرز بوہوکیں درمانانی کمی ءَ را ہلاس کنگ ءَ ھاترءَ کوشست کنگ بوہگءَ اِنت۔ پاکستان فارماسیوٹیکل مینوفیکچررز ایسوسی ایشن ءِ سروک قاضی منصور دلاور ءَ گشتگ کہ حکومت ءَ تپ ءِ درمان ءِ نیاد ءِ جیڑہ ءَ را گیش ء ُ گیوار کنگ ء ُ کمپنی آں پیراسٹامول ءِ خام مال ءِ نیادانی تہ ءَ 10 درسد کمی ءِ اوست کنائینگ بوتگ۔ آئی ءَ گشتگ کہ پینٹاول ءَ ہوار ایندگہ کمپنی تپ ءِ درمان جوڑ کنگ ءِ کار ءَ را پہ وہد بندات کنگ ءِ فیصلہ کتگ، اے ہوالگءَ سامان مُچ کنوکء ُچیردیئوکانی حلاپ ءَ ڈریپ ایکٹ ءِ ردءَ کانودی کاروائی کنگ بیت۔ قاضی منصور دلاور ءَ گشتگ کہ ہار ، ڈینگی ء ُ ملیریا ءَ چہ تپ ءِ کیس آنی تہا گیشی بوہگءَ اِنت۔
