کوئٹہ۔16ستمبر (اے پی پی): ریلوے ءِ بنجاہی وزیر سعد رفیق ءَ گشتگ کہ بلوچستان ءَ انوگیں ہور ء ُ ہاراں چہ باز نقصان بوتگ، مھتلیں ریلوے روٹ آناں بحال کنگ ءِ ھاترءَ درائیں آسراتی کارمرز کنگ بوہگءَ اَنت، کوئٹہ تفتان ریل ٹریک تاں 30 ستمبر ءَ بحال کنگ بیت۔ جمعہ ءِ روچءَ کوئٹہ ءَ پریس کانفرنس ءَ گوں تران کتگء ُ بنجاہی وزیر خواجہ سعد رفیق ءَ گشتگ کہ ہورء ُ ہاراں چہ ریلوے نیٹ ورک آماچ بوتگ، ڈیرہ اللہ یار ءَ تاں جیکب آباد ءَ یازدہ کلومیٹر ریلوے ٹریک ءِ سرءَ آپ مُچ بوتگ، ہارءَ چہ کوئٹہ تفتان ریل ٹریک 104 دمگاں چہ آماچ بوتگ کہ اے تاں 30 ستمبر ءَ بحال کنگ بیت۔ آماچیں دمگاں ہور ء ُ ہار ءِ آپ انچو کم بیت شرکنگ ءِ کار بندات کنگ بیت، ایف سی، این ایل سی ء ُ آرمی ءِ کمک ءَ چہ آماچیں ریلوے پٹری ءِ بحالی ءِ کار بوہگءَ اِنت۔آئی ءَ گشتگ کہ کوئٹہ ریلوے اسٹیشن ءِ آپ گریڈیشن ء کار اولی دلگوشی اِنت، گوادر ءَ ہم ریولے ءِ کارگس جوڑ کنگ بوہگ ءَ اِنت۔ راج دپتر ءِ تہا پاکستان ریلوے ءَ را کدی اے وڑیں نقصان نابوتگ، بلے ہم جزم کتگ کہ شپ ء ُ روچ یکے کناں ء ُ ریلوے سروس ءَ را بحال کناں ء ُ اُلس ءِ جیڑہ ء ُ ججال ءَ ہلاس کناں، پریس کانفرنس ءِ تہا ریلوے ءِ بنجاہی سیکرٹری ء ُ ایندگہ مزنیں حکام ہم ساڑی بوتگ اَنت۔
