سمرقند۔16ستمبر (اے پی پی): مزن وزیر محمد شہباز شریف ءَ موسمی مٹءُ بدل ءِ گرء ُ دار کنگءِ ھاترءَ گامگیج چست کنگءِ ضلورت ءَ را پدر کتگ ءُ گشتگ کہ شنگھائی کمک تنظیم ءِ باسکیں ملک یکجاہی امنء ُ ایمنی ءُ دیمروئی ءِ ھاترءَ ھترہ ءِ سوب جیڑہ ءُ جنجالانی گیشءُ گیواری ءِ ھاترءَ نوک سر ءَ کار کنگ بہ بیت۔ جمعہ ءِ روچءَ ایک ٹویٹءِ تہا آئی ءَ گشتگ کہ من شنگھائی کمک تنظیم ءِ سروکیں ملک آنی کونسل آنی گوما تران کنگ ءِ وہد ءَ اے گپ ءِ سرءَ زوت پر داستگ کہ باسکیں ملک مئے یکجائی امنء ُ ایمنی ءُ دیمروئی ءِ ھاترءَ ھترہ ءِ سوب جوڑ بوہوکیں جیڑہ ء ُ جنجالانی دمگی گیش ءُ گیواری ءِ ھاترءَ نوک سر کار کنگ بہ بیت۔ آئی ءَ گشتگ کہ مئے ھاترءَ ھترہ ءِ سوب جوڑ بوہوکیں موسمی مٹء ُ بدلی ءِ گرءُدار کنگ باز المی ضلورت اِت کہ ایچ وڑءَ یک کنگ نہ بیت۔
