کوئٹہ۔ 16 ستمبر (اے پی پی) بنجائی وزیر ریلوائی خواجہ سعد رفیق پارینے کہ ساڑی آ پِر و تباہ کن نوکاپ آن بلوچستان اٹی ریلوائی انفراسٹرکچر ءِ ملوک آ نسخان بھلن ءِ کوشست ءِ کہ بلوچستان نا بین الصوبائی ریلوائی لائن ءِ زوت بحال کننگے دامسخت کن دے و نن ڈبل شفٹ اٹی کاریم کروئی مریک۔ داہیت ءِ او بلوچستان نا نوکاپ آن زہمی علاقہ ہرک ریلوائی پوک انا معائنہ ٹی پارے۔ داوخت آ ریلوائی ، این ایل سی و ایف سی کمامدار آک ہم بنجائی وزیر تون اوار ئسر۔ ریلوائی نا تعلقدار کمامدارآک بنجائی وزیر ءِ زہمی سیکشن نا بابت حوال تسر۔ خواجہ سعد رفیق پارے کہ ہرک بریج بولان پاس سیکشن آ 158 پول انجینئرنگ نا شاہکار ءِ ، ساڑی آ فلیش فلڈ سوا سد سال متکن ولے بھاز سوگو پول ءِ پرغا ہراڑآن ریلوائی سروس معطل ءِ ، دارابطہ پول انا پوسکن تفنگ کن ڈبل شفٹ اٹی کاریم کروئی مریک، بنجائی وزیر پارت کرے کہ ریلوائی نا زہمی سیکشن آ بلاتاخیر بحالی نا کاریم ءِ برجاتخنگے و کاریم نا پیش رفت انا بابت اودے پدریسہ معلومدار کننگے۔
