اسلام آباد۔ 16 ستمبر (اے پی پی) امریکہ غان نوکاپ زدگان تیکن پین مسہ جہاز کمکی گڑااتسا پاکستان آ سرمسنو۔ دفترخارجہ نا ترجمان نا رداٹ امریکہ نا کنڈآن نوکاپ نابابت کمکی کارروائی تیکن داتم اسکان جم وڑاٹ 18 جہاز پاکستان آ سرمسنو۔ امداد اتسا اسہ جہاز اس جناح انٹرنیشنل بالی پٹ کراچی آ دڑنگا و اِرا جہاز سکھر بالی پٹ آ دڑنگار۔ دا کمکی جہاز آتیٹی پاکستان نا نوکاپ آن زہمی علاقہ غاتیٹی انسانی ہمدردی نا بنداو آ آپریشن کن کمکی گڑا سرکننگ ءِ۔ پاکستان امریکہ نا کنڈآن نوکاپ آن زہمی علاقہ غاتیٹی کمکی کارروائی تیکن انسانی امداد نا فراوانی نا ستاءِ کرسا امریکہ نا منت واری ءِ ہرفنگ اتون کرینے۔
