اسلام آباد۔ 16 ستمبر (اے پی پی) وزیراعظم شہباز شریف شنگھائی کمکار تنظیم نا سربراہان مملکت نا سالانہ دیوان اٹی بشخ ہلنگ کن اِرا دے ئی دورہ ازبکستان نا وخت آ (اینو) جمعہ نادے آ سمرقند اٹی اختہ ءُ دے اس گدریفک۔ وزیراعظم آفس نا میڈیا ونگ آن جاری بیان نا رداٹ وزیراعظم آذربائیجان نا صدر الہام علیوف تون اوڑدہی کیک، اوکان پد وزیراعظم چین نا صدر شی جن پنگ تون اوڑدہی کیک۔ اوڑدہی آن پد وزیراعظم شنگھائی کمکار تنظیم کونسل آف ہیڈز آف سٹیٹس اٹی بشخ ہلنگ کن کانگرس سینٹر آ کاہک۔ وزیراعظم شنگھائی کمکار تنظیم نا سروک آتیان تران ہم کیک۔ اوکان پد وزیراعظم قزاخستان نا صدر قاسم جومارٹ تو کایوف تون اوڑدہی کیک۔ وزیراعظم تینا دورہ نا ایسر ی آن مست امام بخاری نا مزار آ حاضری ہم ایتک۔
