اسلام آباد۔15ستمبر (اے پی پی):پاکستان مسلم لیگ( ن )ءِ نائب صدر مریم نواز ء َ گشتگ کہ گچین کاری وتی دہدءَ بنت، ڈنی کمک زوروکیں ایچ رہشون ءِ گپ منگ مابیت، عمران خان تنا وتی نامنوک نا بلکیں ملک ءِ ھاترءَ ہم تباہی ء ُ ھترناک اِنت۔ پنچ شمبے ءِ روچ ءَ اسلام آباد مزن آمید گس ءَ پیش بوہگءَ پد گوں صحافی آں گپ ء ُتران کتگء ُ مریم نواز ءَ گشتگ کہ مئے ملک ءِ سرءَ اپت اَتکگ، حکومت ہارءِ آماچیں مردمانی ھاترءَ سر جمیں کوشست کنگءَ اِنت، مزن وزیر محمد شہباز شریف ہارءِ آماچیں مردمانی کمک ءِ ھاترءَ رؤگ ءَ اِنت۔ دومی نیمگ ءَ عمران خان گاڑی، ہیلی کاپٹر ء ُ ایندگہ سرکاری آسراتیاں کارمرز کنگ ء ُ فوٹو سیشن کنگءِ ھاترءَ ہارءِ آماچیں دمگاں رؤگ ءَ اِنت۔ ٹیلی تھونءَ چہ 5 ارب کلدار چہ سوشل میڈیا مُچ کتگ ء ُ سوشل میڈیا ءِ سرءَ بہر ء ُ بانگ کتگ وہدے کہ دو صوبہ آنی تہا آئی ءِ حکومت اِنت۔ مریم نواز ءَ گشتگ کہ مذہب باز مقدس اِنت، آ وتی بدیں سیاست ءِ ھاترءَ کارمرز مہ کنت، سیاست عبابت اِنت، سیاست تنا حکومت کنگ ءِ نام ناایں، احسن اقبال ءَ تیروارگ، پی ٹی آئی ءَ منی مات ءِ حلاپ ءَ این اے 120 ءِ گچین کاری بے شرپی ءِ سرءَ بوتگ۔ یک جستے ءِ پسوءَ مریم نواز ءَ گشتگ کہ طلال چوہدری ، دانیال عزیز ء ُ نہال ہاشمی ءَرا آمید گس ءَ چہ پہلی نارستگ۔ آئیءَ گشتگ کہ اے بوت ناکنت کہ یک زالبول جج ءَ را بے شرپ کنگ بہ بیت ء ُ پدا پہلی لوٹگ بہ بیت۔ ملکی معیشت ءِ ہوالگءَ جستءِ پسوءَ مریم نواز ءَ گشتگ کہ معیشت ءَ را بحال کنگءِ ھاترءَ لھتیں سال پکار اَنت، اے لھتیں ماہ آنی تہا بوت ناکنت، حکومت ءَ گرانیں فیصلہ کتگ۔ مزن وزیر محمد شہباز شریف ء ُ آئی ءِ ٹیم ءَ ملکی معیشت ءَ را تباہی ء ُ ملک َ را ڈیفالٹ بوہگءَ چہ رکینتگ ، الیکشن ءَ پد وہدے 5 سال ءِ ھاترءَ حکومت کیئت آ وتی فیصلہ ءَ زوریت۔ آئی ءَ گشتگ کہ کشمیر ءِ سودہ کنوکیں عمران دیگرانی پوائنٹ سکورنگ ءَ ماکنت، پیسرءَآئی ءَ امریکہ ءَ را ایر جتگ ء ُ نوں 25 ہزار ڈالر داتگ ء ُ لابنک فرم ہائر کتگ، عمران بگوشیت کہ رابن رافیل ءَ را چے گشتگ۔؟
