اسلام آباد۔15ستمبر (اے پی پی):صدر مملکت ڈاکٹر عارف علوی ہار ءَ چہ آماچ بوتگیں زالبول، زھگ، آیانی وردن ء ُ وراک، وانگ ء ُ زانگ ء ُ بحالی ءِ ھاترءَ حاسیں گامگیج کنگ بہ بیت۔ میاں اوستمانی براتی ءَ را پاکستان ءَ موسمیاتی مٹء ُبدلی ءِ سوب ءَ نقصانانی پُر کنگ ءِ ھاترءَ گامگیج چست کنگ لوٹ لوٹ ایت۔ پنچ شمبے ءِ روچ ءَ ایوان صدر ءِ پریس ونگ ءَ شنگ بوتگیں بیان ءِ ردءَ ملک مستر ڈاکٹر عا رف علوی ءَ نوابشاہ ءَ ہار ءِ آماچ بوتگیں مردمانی ریلیف کیمپ ءِ ترء ُتاب کتگ۔ ملک مستر ءِ نیمگ ءَ چہ پنجاب حکومت ءِ کمک ءَ چہ نوابشاہ ءِ ہار ءِ آماچیں مردمانی ھاترءَ 5 کروڑ کلدارءِ کمک ءِ جارجتگ۔ ملک مستر ءَ نوابشاہ ءَ ہار ءَ چہ آماچ بوتگیں نقصانان چارءُتپاسی ہم کتگ۔ ملک مستر ڈاکٹر عارف علوی ءَ گشتگ کہ ہارءِ سوب ءَ ایندگہ دمگء ُ حاس سندھ ءَ باز تباہی بوتگ۔ ملک مستر ءَ گشتگ کہ موسمیاتی مٹء ُبدلی ءَ را کم کنگ ء ِ ھاترءَ میاں اوستمانی تک ءَ جوانیں اثرمندیں گامگیج چست کنگ ءِ ضلورت اِنت، ہار ءَ چہ آماچ بوتگیں زالبول ءُ زھگانی وراک، وانگء ُزانگ ء ُ آبات کنگ ءِ ھاترءَ حاسیں گامگیج کنگ بہ بیت۔ ملک مسترءَ است مندیں مردماں گوں کمک کنگءِ دزبندی کتگء ُ گشتگ کہ پاکستانی راج گرانیں ساہت ءَ وتی برات ءُ گہارانی سہارہ جوڑ بوتگ۔ ملک مستر ءَ کیمپ ءَ ہارء ِ آماچیں مردماں گوں گندء ُنندکتگ۔ ملک مسترءَرا اے موہ ءَ انتظامیہءِ نیمگ ءَ چہ شونست ہم دیئگ بوتگ۔ شونست ءِ تہا حال دیئگ بوتگ کہ نوابشاہ ءِ راج دپتر ءَ درستاں چہ گیش ہور ریکارڈ کنگ بوتگ، 247000 ایکڑ ءَ چہ گیش کشار تباہ بوتگ اَنت، وانگ جاہء ُ لوگاناں نقصان رستگ۔
