اسلام آباد۔15ستمبر (اے پی پی) دری کارانی کارگسءِ جارچین عاصم افتخار احمد ءَ گشتگ کہ موسمیاتی مٹء ُ بدلی ءِ سو ب ءَ پاکستانی بدتریں ہارءِ دیمپانی ءَ کنگ ءَ اِنت۔ ملک ءِ ہارءَ چہ آماچ بوتگیں دمگانی ریسکیو ء ُ بحالی ءِ کار برجاہ اِنت، ریسکیو ء ُ بحالی چستء ُ ایرانی ھاترءَ میاں اوستمانی براتی ءَ پاکستان ءِ کمک کتگ، مزن وزیر محمد شہباز شریف ء ُ دری کارانی وزیر بلاول بھٹو زرداری ءَ ا قوام متحدہ ءِ یکرٹری جنرل انتونیو گوتریس ءِ ہمرائی ءَ آماچ بوتگیں دمگانی ترء ُتاب کتگ۔ دری کارانی جارچین ءَ اے ھیالانی درشانی پنچ شمبے ءِ روچءَ پریس شونست ءِ تہا کتگ۔ آئی ءَ گشتگ کہ بھارت جموں و کشمیر ءِ غیر کانودی قبضہ ء ُ انسانی حکانی حلاپ ورزی کنگ ءَ اِنت، آئی ءَ گشتگ کہ بھارت ءَ 5 اگست 2019 ءِ غیر کانودی گامگیج ءَ پد مقبوضہ کشمیر ءَ تاں انوں 670 مردم شہید کتگ کہ آیانی تہا ءَ 150 ءَ را اے سال یکم جنوری ءَ چہ بہ گر تاں انوں شہید کنگ بوتگ۔ آئ ءَ گشتگ کہ پاکستان میاں اوستمانی براتی ءَ گوں لوٹ کنت کہ آ مقبوضہ کشمیر ءَ بھارت ءِ زلم ء ُ ناحقی ءَ بند بہ کنت ء ُ اقوام متحدہ ءِ تپا ک نامہ آنی ردءَ کشمیری آنی وائشت ءِ ردءَ کشمیرءِ جیڑہ گیشء ُ گیوار کنگ بہ بیت۔ جارچین ءَگشتگ کہ مزن وزیر محمد شہباز شریف ازبکستان ءَ شنگھائی کمک تنظیم ءِ سروکی دیوان ءَ ہوار بوہگءِ ھاترءَ 2 روچی ترء ُتاب ءَ تاشقند ءَ اِنت۔ آئی ءَ گشتگ کہ دری کارانی وزیر بلاول بھٹو زرداریء ُ ایندگہ سینئر حکام ہم مزن وزیر ءِ ہمراہ پاکستان ءِ سرکاری ڈل ءِ تہا ہوار اَنت۔ دری کارانی جارچین ءَ گشتگ کہ اقوام متحدہ ءِ سیکرٹری جنرل ءَ 9 ء ُ 10 ستمبر ءَ پاکستان ءِ ترء ُتاب کتگ ء ُ ہار ءِ آماچیں مردمانی گوما یکوئی ءِ درشانی کتگ۔ آئی ءَ گشتگ کہ بازیں ملک آں ہار ءِ آماچ بوتگیں مردمانی کمک ءِ ھاترءَ پاکستان ءِ گوں پچیں دل ءَ کمک کتگ، تاں انوں 100 ءَ چہ گیش گراباں چہ کمکی سامان پاکستان ءَ سربوتگ کہ مئے شریدار ء ُ دنیا ءِ بازیں ملک آں دیم داتگ ۔ جارچین ءَ گشتگ کہ مزن وزیر محمد شہباز شریف ءَ برطانوی ملکہ الزبتھ ءِ بیران بوہگءَ اپسوز ءِ در شای کتگ ء ُ آئی ءَ دلپدردی درشان کنگءِ ھاترءَ اسلام آباد ءَ برطانوی ہائی کمیشن ءِ ترء ُ تاب ہم کتگ۔
