لاہور۔15ستمبر (اے پی پی): مزن وزیر کشمیر و گلگت بلتستان پڑءِ صلہ کار قمر زمان کائرہ ءَگشتگ کہ ہار ءِ آماچ بوتگیں مردمانی بحالی ءِ ھاترءَ بنجاہی حکومت، پاک فوج ، این ڈی ایم اے ء ُ ایندگہ ادارگ یکجاہ ہوار کار کنگءَ اَنت، سرجمیں ملک ءَ کشمیر پراپرٹیزءِ رکینگ مئے اولی دلگوشی اِنت، شہباز گِل ءِ مقدمہ ءَ را انچیں ارزشتے دیئگ بوتگ کہ ایشی ءِ سرءَ ابکا اَں۔ اے ھیالانی درشانی آئی ءَ پنچ شمبےءِ روچءَ لاہور ءَ ایڈمنسٹریٹر جموں و کشمیر اسٹیٹ پراپرٹی در پاکستان ءِ کارگس ءَ بوتگیں دیوان ءَ ہد میڈیا ءَگوں گپ ء ُتران کنانءَکتگ۔ آئی ءَ گشتگ کہ اے پراپرٹیز کشمیر ءِ امانت اَنت۔ اگاں کسے ءَ قبضہ کنگ ءِ کوشست کت آیانی حلاپ ءَ ترندیں کاروائی کنگ بیت۔ یک جستے ءِ پسوءَ قمر زمان کائرہ ءَ گشتگ کہ شہباز گِل ءِ ہوالگءَ گیشیں گپ ناکناں بلکیں اے گپ ءِ سرءَ ابکا اَںکہ شہباز گِل ءِ کیس ءَ را میڈیا ءَ باز ارزشت چیا داتگ۔ آئی ءَ گشتگ کہ ہارءِ آماچیں مردمانی بحالی ءِ ھاترءَ بنجاہی حکومت وتی درائیں آسراتیاں کارمرز کنگ ءَ اِنت ء ُ اے کمک ءَ ر ا پاک فوج ءِ وسیلگ ءَ دیئگ بوہگءَ اِنت۔ قمر زمان کائرہ ءَ گشتگ کہ ہارءِ آماچیں مردماناں بے نظیر انکم سپورٹ پروگرام ءِ ردءَ 25 ہزار کلدار دیئگ بوہگءَ اَنت۔آئی ءَ گشتگ کہ پنجاپ، خیبر پختونخوا، بلوچستان ء ُ سندھ ءِ صوبائی حکومت ہم ہارءِ آماچیں مردماناں کمک دیئگ ءَ اَنت۔ ایشی ءَ چہ پیسر کشمیر پراپرٹیز ءِ ہوالگءَ بوتگیں دیوان ءَ کشمیر پڑءِ سیکرٹری شیرعالم مقصود، ایڈمنسٹریٹر جموں وکشمیر اسٹیٹ پراپرٹی در پاکستان بلال آفتاب احمد کھچیءَ ہوار ہمگرنچیں افسر ہوار بوتگ اَنت ء ُ قمر زمان کائرہ ءَ را کشمیر پراپرٹیز ءِ ہوالگءَ سرجمیں شونست دیئگ بوتگ۔
