مزن وزیر محمد شہباز شریف ءُ اربک صدر ءِ  گندء ُ نند،  بین الحکومتی کمیشن ءِ دیوان زوت توار کنگ ءِ سرءَ تپاک 

سمر قند۔15ستمبر  (اے پی پی):  مز ن وزیر محمد  شہباز شریف ءُ ازبکستان ءِ صدر شوکت مرزیوف ءَ بیپاری ء ُ معیشت ءِ پڑآں  دونیمگی  سیاد ی ءَ را ترندءُ محکم کنگ ء ُ  ریل ءِ دگ ء  ُ دھکہ آنی وسیلگ ءَ  دمگی نزیکی ءَ را   گیش کنگ ءِ سرءَ الکاپی ھیال ءُ لیکہ ءِ درشانی کتگ  وہدے  کہ دوئیں راہشوناں پاکستان ء ُ ازبکستان ءِ نیام ءَ درائیں پڑآں کمک ءَ را  گیش کنگ ءِ سرءَ بین الحکومتی کمیشن ءِ دیوان ءَ را زوت توار کنگءِ سرءَ تپاک  کتگ۔ دوئیں راہشونانی گندء ُنند پنچ شمبے ءِ روچءَ شنگھائی تعاون تنظیم (ایس سی او ) ءِ  سروکی دیوان  ءِ مو ہ ءَ بوتگ۔ دوئیں راہشوناں پاکستان ءُ ازبکستان ءِ سیادی ءُ  اوستمانی ء ُ میاں اوستمانی  کارانی سرءَ ھیال ء ُلیکہ ءِ درشانی کتگ۔ مزن وزیر ءَ ہار ءَ چہ آماچ بوتگیں مردمانی ھاترءَ  کمکی سامان دیم دیئگ ءُ ہمدردی ءِ  درشانی کنگءَ ازبک صدر ءِ شکرء ُمنت گپتگ۔  مزن وزیر ءَ ٹرانس افغان ریلوے منصوبے ءَ را پہ وہد سرجم کنگ ءِ ھاترءَ پاکستان ءِ جزم ءِ درشانی کتگء ُ اوگانستان ، پاکستان ء ُ ازبکستان ءِ تکنیکی ٹیم آنی نیمگ ءَ چہ اوگانستان ءِ تہ ءَ منصوبہ ءِ سرءَ کار ءِ  سوبمندیں سرجمی ءِ سدکی ءِ درشانی کتگ۔ اے منصوبہ سرجم بوہگءَچہ کراچی ءُ گوادر ءِ دھکہ آنی وسیلگ ءَ درنیامی ایشیائی ملک دنیا ءِ ایندگہ ملکانی گوما جوانیں رھبنداں گوں بیپار ءَ بندوک بنت۔  مزن وزیر ءَ صدر شوکت مرزیوف ءَ را پاکستان ءِ ترءُتاب کنگءِ دعوت داتگ وہدے کہ ازبک صدر ءَ ہم مزن وزیر ءَ را زوتاں چہ زوت  ازبکستان ءِ  ترء ُتاب کنگ ءِ  دعوت داتگ۔